Темір жол көлігінен және өндірістен шығатын зиянды қалдықтар азайып келеді

Теміржол көлігінен қоршаған ортаны ластайтын заттардың шығарылуы тұрақты төмендеу үрдісіне ие болып отыр. Нақты деректерге жүгінсек, Қазақстан Республикасының парниктік газдардың ұлттық кадастрына сәйкес, 1990-2018 жылдар аралығында теміржол көлігінен шығарылған зиянды заттардың үлесі 24,3%-дан 6,2%-ға дейін төмендеген. Ұйымның көміртегі ізі тікелей және жанама шығарындыларды қамтиды. Әдетте, парниктік газдардың тікелей шығарындылары жылжымалы көздерді (тепловоздар, дрезиналар, Автомобильдер) және тұрақты тұтынушыларды (қазандарды, қазандықтарды, пештерді) пайдалану процесінде жүзеге асырылады.

«2013 жылдан бастап компанияның өндірістік қызметінен көміртегі ізі 10% төмендеді. Егер 2013 жылы СО2 (көмірқышқыл газының)  тікелей шығарындылары 2 млн.079 мың тоннаны құраса, 2020 жылы бұл көрсеткіш 1 млн. 888 тоннаға дейін азайды», – дейді Батыр Қуанышұлы.

Компания бойынша шығарындыларды азайту энергия жинақтау іс-шараларын жүргізу нәтижесінде қамтамасыз етілуде екен. Сондай-ақ, ел теміржолында пайдаланып жүрген «Evolution» сериялы тепловоздар ескі үлгідегі тепловоздармен салыстырғанда ластаушы заттардың шығарылуын  2,2 есе азайтуға мүмкіндік беруде.