Жас теміржолшыларға арналған бағдарламаға қатысушылар бақ сынауға кірісіп кетті
«Қазақстан теміржолшысы» газетінің тілшісі
Ұлттық компанияда жүзеге асырылатын «Жас темір» бағдарламасы темір жол саласын білікті мамандармен қамтамасыз ету және үздік тәлімгерлік тәжірибені дамытуды көздейді. Бағдарламаға Қазақстан азаматтығы бар, 2020, 2021, 2022 жылдардағы теміржол саласы оқу орындарының бакалавр түлектері қатыса алады. Қатысушылар Нұр-Сұлтан қаласындағы «ҚТЖ» ҰК» АҚ құрылымдық бөлімшелерінде әрқайсысы 5 айлық 3 ротациядан өтеді.
Бағдарлама аясында биыл қатысушыларды бірнеше мамандық бойынша ротациялау жоспарлануда. Атап айтқанда, өндірістік учаскенің инженер-технологы, өндірістік-техникалық бөлімнің инженері, орталықтандыру және блоктау сигнализациясы электромеханигі (СЦБ), мобильді диагностикалық кешен, жол өлшеуіш вагонының инженер электронщигі, вагон шаруашылығының маманы, еңбекті қорғау мамандары және өнеркәсіптік қауіпсіздік жөніндегі маман, жүк тасымалы логистикасы жөніндегі инженер, вагон шаруашылығы инженері, темір жол көлігіндегі маркетинг жөніндегі менеджер, көлік логистикасы, жүк және коммерциялық жұмыс жөніндегі менеджер.
Сондай-ақ ол «Жас темір» бағдарламасына қатысушыларға бекітілетін тәлімгерлердің де қандай мамандар екенін атап кетті. Олар – өз саласының кәсіби мамандары, компанияда 3 жылдан аса жұмыс істеген, басқару саласында тәжірибесі бар, бөлім меңгерушісі/орынбасары қызметін атқаратын теміржолшылар.
«ҚТЖ» ҰК» АҚ 2022 жылы аталған бағдарламаны келесі бағыттар бойынша қайталауды жоспарлап отыр: темір жолдар, теміржол құрылыстары құрылысы; автоматтандыру және басқару; электр қуаты; автоматика, телемеханика және темір жолдағы байланыс; қауіпсіздік және еңбекті қорғау; маркетинг және логистика; тасымалдауды ұйымдастыру, қозғалыс және операция, көлік; көлік, көлік техникасы және технология.
«Жас темір» бағдарламасына қатысуға өтінімдерді қабылдау 2022 жылдың 1 қаңтарынан басталды. Іріктеу кезеңдері бойынша қатысушылар мотивациялық эссе жазады, профильді тест тапсырады, олардан құзыреттілік сұхбат алынады, байқау комиссиясымен сұхбатқа шақырылады.