Мыс өнімдері Қытайға оңтайландырылған әдіспен жөнелтілетін болды
«Қазақстан теміржолшысы» газетінің тілшісі
Қазақстандық экспорттаушылар үшін мыс жеткізудің оңтайлы логистикасы әзірленді.
Енді Қытайдың Шаньси провинциясының Сиань қаласына мыс құрамдастырылған тасымалдау арқылы жүзеге асырылады. Алдымен қымбат жүк Қазақстанның Балқаш, Жезқазған станцияларынан жартылай вагондарда, одан әрі KTZE Khorgos Gateway Құрғақ порты арқылы контейнерлерде жүзеге асырылады. Жөнелтуді ұйымдастырушы – «KTZ Express» АҚ.
2022 жылдың басынан бері компания жалпы салмағы шамамен 2 000 тоннаға жуық мыс тиелген екі контейнерлік пойызды жөнелтті. 2021 жылдың қорытындысы бойынша жалпы салмағы 9 000 тоннадан асатын 400-ден астам контейнерлердің аралас тасымалын жүзеге асырды.
«KTZ Express» АҚ-да атап өткендей, құрамдастырылған тасымалдар жылжымалы құрам айналымын айтарлықтай қысқартады және қытайлық тараптың жүктерді контейнерлерде қабылдауын жеңілдетеді. Мамандардың болжамынша, сервис тұрақты болуы мүмкін. Яғни, аталған бағдар бойынша ай сайын 3-тен 6-ға дейін контейнерлік пойыздарды жөнелту жоспарланып отыр.