Украинадағы жағдайға байланысты «жедел желі» іске қосылды
«Қазақстан теміржолшысы» газетінің тілшісі
«ҚТЖ» ҰК» АҚ Инвестициялар және даму министрлігімен бірлесіп, Украинадағы жағдайға байланысты жүк тасымалына енгізілген шектеулер бойынша жиын өткізді, деп хабарлайды Rail-news.kz.
Латвия, Финляндия, Грузия порттары және ТХКБ дәлізі (Транскаспий халықаралық көлік маршруты) арқылы жүктерді тасымалдаудың балама нұсқалары қарастырылуда.
Қазақстан Республикасының Индустрия және инфрақұрылымдық даму министрлігінде түйткілді мәселелерді реттеу үшін жедел штаб құрылды. Жүк жөнелтушілерге кеңес беру үшін «жедел желі» телефоны ашылды.
Кеден қызметіне қатысты сұрақтар бойынша 8 (7172) 60-30-19, 8 (701) 341-32-20 телефондары арқылы («ҚТЖ» ҰК» АҚ бас менеджері Гүлжан Хайруллинаға) хабарласуға болады. Жүктерді қайта бағыттау бойынша өтініштерді қабылдау мәселесіне қатысты (тағайындалған станцияларды өзгерту, бастапқы тиеу станциясына қайтару және т.б.) 8 (7172) 60-31-33, 8 (702) 164-55-39 телефондары арқылы «ҚТЖ-Жүк тасымалы» ЖШС бас менеджері Саламат Әбжалиев кеңес береді. Ал Ресей, Украина, Беларусь және ЕО аумағында тасымалдауды ұйымдастыру мәселелері туралы «KTZ Express» АҚ департаментінің директоры Ермек Битиговке 8 (776) 019 07 78 телефоны арқылы хабарласуы қажет.