Еуропалық мамандар теміржолдағы энергия тиімділігі тақырыбында тренинг өткізді
«Қазақстан теміржолшысы» газетінің тілшісі
«Қамқор Менеджмент» компаниялар тобының сарапшылары энергоменеджмент және энергоаудит саласы бойынша оқудан өтті.
«Энергия тиімділігін анықтау, көміртексіздендіру және озық қолжетімді технологиялар тұрғысынан Қазақстанның энергия сыйымдылығы салаларының инвестициялық әлеуетін анықтау және дамыту» жобасы шеңберінде Дүниежүзілік Банктің қолдауымен «Қамқор Менеджмент» ЕТҚ сарапшыларына энергия менеджменті мен энергия аудиті саласы бойынша оқыту курсы ұйымдастырылды.
Жобаның басты мақсаты – парниктік газ қалдықтарының жоғары көрсеткіштерімен «ерекшеленген» Қазақстандағы ірі саланың бірі теміржолдың энергия көзін қаншалықты тиімді пайдаланатынын көрсету және осы білімді қазіргі мәселелерді шешуде қолдану, сондай-ақ, ақпараттағы үзілістерді жою болып отыр.
Құзыреттілікті арттыру нәтижесінде кәсіпорын жұмысшылары энергия және ресурсты үнемдеу саласындағы озық технологиялармен танысып, сонымен қатар оны кәсіпорындарда қолдану мүмкіндігіне ие болмақ. Тренингті Rina Coonsulting SPA (Италия), Integration GmBN (Германия) және Energy Partner LLP (Қазақстан) шетелдік сарапшылары өткізді.