Премьер-министр қазақ-қытай шекарасындағы экспорт пен импорт түсімін сәйкестендіруді тапсырды
«Қазақстан теміржолшысы» газетінің тілшісі
ҚР Премьер-министрі Әлихан Смайыловтың төрағалығымен Дағдарысқа қарсы шаралар жөніндегі жедел штабтың кезекті отырысы өтті. Оған қатысушылар Қытаймен шекарадағы жағдай, жүктердің өткізілуіне қатысты мәселені талқылады, деп хабарлайды Rail-news.kz.
Қазіргі таңда Қазақстан-Қытай шекарасында бес автомобиль және екі теміржол өткізу пункті, сондай-ақ «Қорғас» ШЫХО» АҚ кеден бекетінің жүк терминалы жұмыс істейді. Үкімет басшысы кедендік құн индексі және кедендік төлемдер индексі бойынша оң динамика бар екенін айтып өтті, кедендік құн индексі көрсеткіші 75%-ға, Қытайдан импортталатын тауарлар бойынша 1 кг үшін 4 доллардан 7 долларға дейін, кедендік құн индексі көрсеткіші екі есе – 264 теңгеден 561 тг/кг дейін өскен.
«Нұр жолы» шекаралық өткізу пунктіне келер болсақ, тауар тасымалдауды ұйымдастырушы ретінде жұмысын бастаған «KTZ Express» АҚ арқасында оның өткізу қабілеті күніне 10-нан 47 АКҚ-ға дейін артқан. Бір тасымал құны $4500-ден $2050 дейін төмендеді. Қолма-қол ақшалай өзара есеп айырысу алынып тасталып, қаражатты көлеңкелі айналымнан шығаруға мүмкіндік берді. Сонымен қатар электрондық кезек бойынша пилотты жоба іске қосылды.
«Қорғас» ШЫХО-да жыл басынан бері арнайы кран арқылы 61 көлік құралдары ауыстырып тиелген. Бұл ретте тариф екі есеге төмендетілді. Отырыс барысында өткізу пункттерінде кептеліс жоқ және жағдай тұрақты екендігі атап көрсетілді. Әлихан Смайылов статистикалық сәйкессіздіктерді болдырмау үшін тиісті ведомстволарға импорт пен экспортқа қатысты деректерді өзектендіруді, сондай-ақ өткізу пункттерінде ведомствоаралық өзара іс-қимылды күшейтуді тапсырды.