Құрық портының басшылығы халықаралық ұйым өкілдерімен кездесті
![](https://rail-news.kz/uploads/posts/2022-04/1649393576_imgonline-com-ua-compressed-wlju81jchdyhv0q1.jpg)
![](https://rail-news.kz/img/noimg.png)
«Қазақстан теміржолшысы» газетінің тілшісі
Халықаралық сауда орталығының делегациясы Құрық порты паром кешенінде жұмыс сапарымен болды, деп хабарлайды Rail-news.kz.
Порт өкілдері мәртебелі меймандарды порттың инфрақұрылымымен және өндірістік қуатымен, сондай-ақ, паром кешенінің өткен жылғы және үстіміздегі жылдың екі айындағы жұмыс қорытындысымен таныстырды.
Сондай-ақ, Халықаралық сауда орталығы өкілдерінің қатысуымен конференция өтіп, қатысушыларға Құрық порты паром кешенін дамытудың алдағы жоспарлары ұсынылды. Қазіргі уақытта «Құрық порты» ЖШС жүктерді ауыстырып тиеу көлемін 5 есеге ұлғайтып, бұл көлемді тағы да 4 млн тоннаға дейін жеткізуді қолға алған. Бұл үшін паром кешенінде автомобиль, теміржол және әмбебап көліктерге арналған үш, сондай-ақ кемелердің барлық түрлерін қабылдауға арналған әмбебап айлақ бар, олар тәулігіне 5-8 паромға дейін өңдеуге мүмкіндік береді.