Тараз теміржол коледжінде «Worldskills» байқауы өтті
Тараз теміржол коледжінде директордың оқу-өндіріс ісі жөніндегі орынбасары Ж.Тайбеков пен арнайы пән оқытушыларының ұйымдастыруымен «Worldskills» байқауы өтті.
Байқау білікті кадрларды даярлауға жаңа идеялар мен трендтер жасауға, кәсіби білім сапасын арттыруға мүмкіндік береді және кәсіби шеберлік дағдыларын жетілдіреді дейді мамандар. Шараға «Дәнекерлеу ісі», «Ұсталық іс», «Сандық бағдарламамен басқарылатын станоктарда токарлық жұмыс» құзыреттіліктері және «Мобильді робототехника» бойынша 1-2-3 курс білім алушылары қатысты.
Мобильді робототехника бойынша I дәрежелі дипломмен Богдан Гонченко, Хаят Даутов марапатталса, II дәрежелі дипломмен Нұртілеухан Рахманбеков, Айболат Орынбек, ал ІІІ дәрежелі дипломмен Али Ескер, Айқын Есенгелді марапатталды.
Дәнекерлеу ісі құзыреттілігі бойынша I дәрежелі дипломмен Максим Приставка, II дәрежелі дипломмен Сержан Ермек, III дәрежелі дипломмен Базар-Али Какалов және Иван Чижов алғыс хатпен марапатталды.
Сандық бағдарламамен басқарылатын станоктарда токарлық жұмыс құзыреттілігі бойынша I дәрежелі дипломмен Мадияр Арымбасаров, II дәрежелі дипломмен Даим Магамадов, III дәрежелі дипломмен Мурат Алишеров және Никита Новиков алғыс хатпен марапатталды.
Ұсталық іс құзыреттілігі бойынша I дәрежелі дипломмен Интояр Ибрагимов, II дәрежелі дипломмен Николай Релин, III дәрежелі дипломмен Қауан Мурзахметов марапатталды.
Қорытынды жиында сөз алған колледж басшысы іс-шара болашақ теміржолшылардың интеллектуалдық ой-өрісін танытып, қарым-қабілетін ашқанын жеткізді.
«Біз бүгінгі студент – ертеңгі маман екенін ешқашан естен шығармауымыз керек, ал темір жолға тек сауатты мамандар қажет» деп атап өтті.