Байқау жеңімпаздары марапатталды
«ҚТЖ-Жүк тасымалы» ЖШС – «ЖТ Жамбыл бөлімшесінде» Бүкіләлемдік Еңбекті қорғау күніне орай ұйымдастырылған байқаудың қорытындысы шығарылып, арнайы жиын өтті. Жиынды бөлімше директорының орынбасары Дүйсен Сыздықов ашып, жүргізіп отырды. Шараға Жамбыл облысы әкімдігінің Еңбек инспекциясы еңбекті қорғау және қауіпсіздік бөлімінің өкілдері де қатысты.
Дүйсен Сыздықовтың айтуынша 2016 жылы бөлімше Жүк тасымалы бөлімшесі болып қайта жасақталған мерзімнен бергі аралықта 7 оқиға орын алып, 8 қызметкер өндірістік жарақат алған. Олардың еңбек жарамсыздығы 349 күнді құраған. Оқиғаның бірі қайғылы сипат алып, жұмышсы мерт болса, екіншісі – қызметкердің мүгедек болып қалуымен аяқталған. Осы мерзім аралығында ол азаматтарға 15 562 мың теңге төленген.
- Дегенмен, 2017 жылы өндірісте азаматтардың мерт болуы, 2018 жылы мүгедектік алу, ал 2019-2021 жылдар аралығында ешқандай қайғылы оқиға орын алған жоқ. Сондықтан, соңғы бес жылда өндірістік жарақат алу жағдайының төмендеуіне байланысты Жүк тасымал бөлімшесінің басшылығымен өндірістік қауіпсіздік қызметінің мамандарын марапаттау шешімі қабылданды, - дейді Дүйсен Сыздықов.
Сондай-ақ, жиында Жамбыл облысы бойынша «Медикер – өндірістік медицина» ЖШС үйлстірушісі Р.Қарақұлова жүрек-қан тамыры ауруы бүгінгі заманның эпидемиясы екендігін алға тартып, «Саламаттылыққа қарай 100 қадам» корпоративтік сауықтыру бағдарламасы жайында айтып өті.
Жиын соңында мұның алдында Бүкіләлемдік Еңбекті қорғау күніне орай ұйымдастырылған байқаудың қорытындысы шығарылып, жүлдегерлер марапатталды. Атап айтқанда өндірістік жарақат алудың нөлдік деңгейіне жету бойынша үздік ұсыныс жасаған Тараз станциясының ұжымы мен бас инженері Ерсін Аманкелдіұлы марапатталды. Ал, «Үздік еңбекті қорғау кабинеті» аталымы бойынша ТЧЭ-30 ұжымы мен экология және өндірістік қауіпсіздік секторының басшысы Равилия Гиллязитдинова жүлделі орыннан көрінді. «Үздік қауіпсіз кәсіпорын» аталымы бойынша Түріксіб станциясының ұжымы мен станция бастығының логистика бойынша орынбасары Ердәулет Түлеков марапатталды. Сондай-ақ, «Үздік бейненұсқау» аталымында ВЧДЭ-27 ұжымы мен экология және өндрістік қауіпсіздік секторының меңгерушісі Константин Кучанов үздік шықты. «Үздік еңбекті қорғау бұрышы» аталымында ТЧЭ-31 кәсіпорны ұжымы мен экология және өндрістік қауіпсіздік секторының меңгерушісі Айман Батырбекова жүлде алды. Сонымен қатар, еңбекті қорғау және өндірістік қауіпсіздік жұмысын жүйелі ұйымдастыра біліп, үздік шыққан теміржолшылар Ерсін Шардарбеков, Ердәулет Түлеков, Еркін Тұрысмағанбетов «Amanat» партиясы облыстық филиалының Алғыс хаттарымен марапатталды. Барлық жүлдегерлер бағалы сыйлықтарға ие болды.
