Өңірлерге қант үздіксіз тасымалданады
«Қазақстан теміржолшысы» газетінің тілшісі
ҚР Ауыл шаруашылығы министрлігі «Қазақстан темір жолы» ұлттық компаниясымен бірлесіп, өңірлерге қант пен қант шикізатын кедергісіз жеткізу мәселесін шешті.
28 мамырдан бастап «ҚТЖ» ҰК» АҚ облыста стратегиялық тауарды үздіксіз жеткізу үшін өнім тиелген вагондардың өткізілуін ерекше бақылауға алды. Қазіргі уақытта Қазақстан аумағы бойынша темір жол көлігімен қант тиелген 152 вагон тасымалдануда. Бұдан басқа, темір жол арқылы өңдеуге арналған құрғақ қант шикізаты бар 116 вагон жолға шыққан.
Отандық зауыттардың қант өндірісіне құрғақ қант шикізаты үшінші елдерден тарифтік жеңілдік шеңберінде жеткізілуде. Облыс әкімдіктеріне жеткізілетін қантты жедел қабылдау мен таратуды қамтамасыз ету ұсынылып отыр.
Отандық зауыттарда қант өндірісі тоқтамақ емес , оны өңірлерге үздіксіз жеткізу жүзеге асырылып, өнім қоры үнемі толықтырылып отырады. Өйткені, Үкімет елді қантпен қамтамасыз ету мәселесін тұрақты бақылауда ұстап отыр.