Тексеру аппараты Павлодар өңірінде 2 мынан астам сәйкессіздікті анықтады
«Қазақстан теміржолшысы» газетінің тілшісі
Теміржол көлігінің әртараптандырылған шаруашылығы ондаған мың шақырымға созылған алып конвейер іспеттес, оның үздіксіз және апатсыз жұмысы саланың барлық қызмет буындарының өзара үйлесімді жұмысын талап етеді. Өйткені, бұл – тасымалдау процесін жақсартудың негізгі критерийлерінің бірі.
«ҚТЖ» ҰК» АҚ тасымал көлемінің 30%-дан астамын жүзеге асырып отырған бір ғана Павлодар өңірін алайық. Теміржол көлігімен тасымалдауды ұйымдастыру процесін жүргізіп отырған аймақ теміржолшыларының қатарында қозғалыс қауіпсіздігінің жай-күйін бақылауда ұстап отырған Тәңірберген Құсайынов басқаратын бес адамнан тұратын тексеру аппаратының жұмысы да аса маңызды. Ағымдағы жылдың өзінде қауіпсіздікті ықтимал бұзушылықтардың алдын алу мақсатында тексеру аппараты жұмыс өндірісінің технологиялық процестері талаптарының, пойызды жүргізу ережелерінің, инфрақұрылым құрылғыларының, техникалық құралдар мен жылжымалы құрамның күтіп ұсталуы және пайдаланылуы тұрғысынан 200-ге жуық тексеру жүргізді. Нәтижесінде 2000-нан астам сәйкессіздік анықталып, бірқатар нысандар мен жылжымалы құрамның пайдалану процесіне тыйым салынып, жылдамдыққа шектеу енгізілді. Осылайша, тексеру аппаратының алдын алу жұмыс- тарының арқасында бөлімшеде сан мәрте қозғалыс қауіпсіздігінің бұзылуына жол берілген жоқ.
– Жаз басталды. Бұл тамаша кезең болуымен қатар, қауіптілігі жоғары аймақ – теміржолдың балалардың көп уақытын өткізетін орнына да айналып отырғанын айтқымыз келеді. Сондықтан адамдарды теміржол- да қауіпсіздік ережесін сақтауға, қырағы болуға шақырамыз. Кейбіреулердің жақындап келе жатқан пойыздың дыбысы мен машинистің сигналдарын ести бермейтіні алаңдатады, өйткені бұл уақытта олар телефонмен сөйлесіп немесе құлаққапта музыка тыңдап, қырағылықты жоғалтады. Адамдардың ішімдік ішіп алып жол бойында жүруі немесе өздерін пойыз астына тастауы да көкейкесті мәселе. Тексеру аппараты қозғалыс қауіпсіздігін қамтамасыз ету процедураларын бақылауда ұстауға барлық күш-жігерін салады, – дейді Тәңірберген Құсайынов.