ҚТЖ-да отын-энергетикалық ресурстарын тұтыну көлеміне тексеріс өтті
«Қазақстан теміржолшысы» газетінің тілшісі
«Қазақстан темір жолы» ҰК» АҚ құрылымдық бөлімшелерінде отын-энергетикалық ресурстарын тұтыну көлеміне тексеріс жүргізіліп, бірқатар кемшіліктер анықталды.
Мысалы, жүргізілген ревизия Өскемен, Семей және Аягөз локомотив пайдалану деполарының отынды ұтымды пайдалануды қамтамасыз етуде бірқатар бұзушылықтарға жол бергенін анықтады. Нәтижесінде 2,8 млрд теңгеден астам сомадағы отынның артық шығындалғаны белгілі болды.
Тексеру материалдары Қаржы мониторингі агенттігіне және Бас көлік прокуратурасына жіберілді.
ҚТЖ-да отын мен электр энергиясына арналған шығындарды оңтайландыру бойынша жүйелі жұмыс жүргізілуде. Отын шығынын бақылау және дизель отынын мақсатсыз пайдалануды болдырмау үшін өндіріске «Энергодиспетчерлік тартым» автоматтандырылған басқару жүйесі (ЭДТ АБЖ) енгізіліп, қолданылып келеді. Және де тоқсан сайын пойыздардың тартымына отын-энергетикалық ресурстарды тұтынуға талдау жасалып, белгіленген отын шығындау нормаларының орындалуына мониторинг жүргізіледі. Сонымен қатар, дизель отынын үнемдеген машинистерді сыйақыға ұсынып, көтермелеу де қалыптасқан.