Құрметті теміржолшы Әкімжан Қосанов қайтыс болды
Қызылорда сигнализация және байланыс дистанциясының еңбек ұжымы мен кәсіподақ комитеті және ардагерлер ұйымы Құрметті теміржолшы, «Үздік басшы» белгісінің иегері, Қызылорда сигнализация және байланыс дистанциясының бастығы Қосанов Әкімжан Сағидрахманұлының кенеттен қайтыс болуына байланысты марқұмның отбасы мен ағайын-туыс, бауырларына қайғыларына ортақтасып, көңіл айтады.
Әкімжан Сағидрахманұлы 1959 жылы 17 желтоқсанда Қызылорда облысы Арал ауданы Сапақ станциясында дүниеге келген, теміржолшылар әулетінің жарқын өкілі еді. 1993 жылы Алматы теміржол институтын тәмамдап, қатардағы электромеханиктен дистанция бастығына дейін өскен. Қызылорда сигнализация және байланыс дистанциясының бастығы лауазымын 2010 жылдан кешеге дейін абыроймен атқарды. Әріптесіміздің ізгі ісі мен жарқын бейнесі біздің жүрегімізде мәңгі сақталады.