Қостанай облысындағы пойыздар қозғалысы қалпына келтірілді

Қостанай облысындағы орман өртіне байланысты тоқтап қалған пойыздардың қозғалысы қалпына келтірілді.

 Бұған дейін хабарланғандай, Тобыл-Құсмұрын учаскесінің Аманқарағай мен Қазанбасы аралықтарында өрт екі жағынан теміржол төсеміне жақындап келген еді. Жолаушылардың өмірі мен денсаулығына қауіп төнуіне байланысты пойыздар қозғалысы тоқтатылған.

Дегенмен, пойыздар қозғалысы ҚР ТЖМ жедел штабының ақпаратынан кейін толығымен қалпына келтіріледі.

«4 қыркүйек сағат 03.57-де жолды алдын ала тексергеннен кейін бірінші контейнерлік пойыз жөнелтілді, екіншісі – 04.21-де. Сағат 05.25 – те өрт сөндіру пойызының қорғауымен Алматы-Орал бағытындағы №51 жолаушылар пойызы және Семей-Маңғыстау бағытындағы №37 пойызы жөнелтілді», – делінген "ҚТЖ" ҰК" АҚ баспасөз қызметі таратқан мәліметте.

ҚТЖ-да жедел штаб құрылды. Барлық сұрақтар бойынша мына телефондарға: 8 (7172)60-63-15, 8(701) 777 65 80 хабарласуға болады.