ҚТЖ жазатайым оқиғаның алдын алған қызметкерге сыйақы берді
Өндірістегі жазатайым оқиғаның алдын алғаны үшін ҚТЖ өз қызметкерлеріне 400 мың теңгедей сыйақы төледі, деп хабарлайды Rail-news.kz.
Екібастұз локомотив пайдалану депосының аға шебері Алмас Ғымадиев машинист кабинасында электр пешінің қорғаныс қақпағының жоқтығын дер кезінде байқаған.
Осылайша, әріптестерінің электр жарақатын алу қаупінің алдын алды. Қырағылығы үшін басшылық қызметкерге 130 АЕК мөлшерінде сыйақы төледі.
Ал, Павлодар локомотив пайдалану депосы машинисінің көмекшісі Родион Коротаев локомотивтегі көтергіш баспалдақтың дәнекерлеу тігісі бойынша жарықшақты дер кезінде байқамағанда, бұл локомотив бригадасының денсаулығы үшін жағымсыз салдарға әкеп соқтырар еді.
Қызметкерге 20 АЕК мөлшерінде сыйақы төленді.
Теміржолшылар анықтаған барлық бүлінулер қысқа мерзімде жойылды.
Өндірістегі жазатайым оқиға қаупін азайту және қызметкерлерді ынталандыру үшін теміржол ай сайын жазатайым оқиғалардың алдын алу және өндірістік қауіпсіздік пен еңбекті қорғау саласындағы заманауи құралдарды белсенді енгізу үшін біржолғы төлемдер жасайды.
Осы жылдың қазан айында Қостанай, Павлодар, Қарағанды, Жамбыл, Шымкент бөлімшелерінің және Қызылорда бөлімі - Батыс филиалының қызметкерлері сыйлықақы алды.