«Құрық порты» маңызды меморандум жасады
«Құрық порты» ЖШС-і мен «Узтемирйулконтейнер» АҚ (Өзбекстан Республикасы) арасында өзара түсіністік туралы меморандумға қол қойылды.
Меморандумның мақсаты қолданыстағы халықаралық мультимодальды көлік бағыттарын пайдалана отырып, жүк айналымын ұлғайту бойынша жұмыстарды жүргізу. Сондай-ақ транзиттік әлеуетті және логистикалық орталықтарды тиімді пайдаланудың оңтайлы нұсқаларын зерделеу бойынша өзара ынтымақтастықты дамыту.
Өз кезегінде паромды кешеннің бас директоры Серік Ахметов «Құрық порты» ЖШС-нің халықаралық көлік дәліздері бойынша жоспарланған жүктерді тасымалдау (экспорт, импорт және транзит) бойынша қажетті ақпаратты беруге келісетінін атап өтті.
Тараптар теміржол көлігімен жүкті уақытылы және сапалы жеткізуді одан әрі дамытуға және тауар айналымын арттыруға, оған қоса логистикалық терминалдарды дамытуды инвестициялау бойынша келісімге келді.