250 теміржолшы ХІ республикалық жастар форумына қатысады

Ағымдағы жылдың 11-14 желтоқсан аралығында елордада «ҚТЖ» ҰК» АҚ-ның ХІ республикалық жастар форумы өтеді. Оған еліміздің барлық өңірлерінен белсенді, жауапты, талантты және идеялық шындалған теміржолшылар – 250 қатысушы қатысады, деп хабарлайды Rail-news.kz.

Іс-шара мақсаты – жас қызметкерлер қабілеттерін барынша ашу, олардың жобалық бастамаларын іске асыру есебінен мансаптық өсу мүмкіндігін жасау, сондай-ақ коммуникацияларды дамыту, мәдениет, үнемді өндіріс қағидаттарын тарату және тиімділікті арттыру.

Жастар форумдарын өткізудің 10 жылдан астам тарихында қатысушылар ұсынған үздік жобалар енгізілңп, ҚТЖ қызметінің барлық салаларында жоғары білікті мамандар даярланды.

Қазіргі форум жұмысының негізгі форматы компания стратегиясын, жетекші сарапшылардың мастер-кластарын, панельдік пікірталастарды, мәдениетаралық коммуникацияларды дамыту бойынша тренингтерді, бизнесті ынталандыруды, зияткерлік ойындарды, команда құру іс-шараларын бірлесіп талқылау болады. Форум аясында қатысушылар өз жобаларын ұсынатын компанияның топ-менеджерлерімен кездеседі.

Сонымен қатар, форум бағдарламасына флешмоб, қазақстандық продюсер Азат Әбікенмен кездесу, «Қауіпті қалдықтар» тақырыбындағы сессия, сарапшы Лариса Чистоедованың «Ресурстарды басқару» шеберлік сыныбы, «Тиімді коммуникациялар», «Жанжалдарды басқару», «Стресске төзімділік», «Көшбасшылық» тақырыптарында ішкі жаттықтырушылармен тренингтер желісі, «Клиентке бағдарлану» және кейстер чемпионаты кіреді.