Жастар форумы аясында маңызды тренингтер өтті

Жаңалықтар
16.12.2022, 11:22
Суретті түсірген Александр ЖАБЧУК
Сұлугүл Бакесова

«Қазақстан теміржолшысы» газетінің тілшісі

ХІ республикалық жастар форумы шеңберінде сыртқы жаттықтырушылармен «Тиімді жоспарлау», «Команда құру», «Жаңа шындықтағы келіссөздер дағдылары», «Тұтынушы тәжірибесі», сондай-ақ ішкі жаттықтырушылардың жетекшілігімен «Тиімді коммуникациялар», «Қақтығыстарды басқару», «Стресске төзімділік», «Көшбасшылық», «Тұтынушыға бағдарлану» тақырыптарында тренингтер желісі өтті.

Форумға қатысушы 250 астам жас теміржолшы бұл тренингтерден маңызды ақпарат алса, жаттықтырушылар көпшілікпен жұмыс істеуде қоржындарын тағы бір тәжірибемен толықтырды. Біз форумға қатысушылардың тренингтер туралы пікірін білдік.

Меруерт ЖҰМАХАНОВА, Бизнес және архитектура департаментінің бас менеджері:  

– Мен биылғы жастар форумына ішкі жаттықтырушы ретінде қатыстым. Бұл бағыттағы жұмысымды 2020 жылы бастадым. Сол уақыттан бері эмоционалды интеллект және сонымен байланысты тақырыптарда тренинг өткіземін. Яғни кері байланыс, дау-дамайларды басқару, күйзеліске төзімділік, қысқаша айтқанда, эмоциямен байланысты дүниелер. Форумға қатысып отырған жастар өте белсенді, көздерінде от бар, жаңашылдықты білуге өте ықыласты. Осы тренингтен алған ілім-білімдерін кейін жұмыста қолданамыз деп жатыр. Мен оған сенемін. Жалпы теміржолшы жастармен бірінші рет жұмыс істеп жатқан жоқпын. Бұған дейін «100 жас есім» бағдарламасы аясында жастарға жетекшілік еттім. Байқағаным, ҚТЖ жастары мейлінше ашық, жақсы дүниелер жасауға құмар, Компания келешегіне немқұрайлы емес. Бұл жақсы қасиеттер бізді қуантады.

Рүстем СӘБИТОВ, Қостанай  

– Мен ҚТЖ-Жолаушылар локомотиві шаруашылығының қызметкерімін. Клиентке бағдарлану тренингіне қатыстым. Осы шарада клиент сыртқы ғана емес, іштен де болуы мүмкін екенін білдім. Біз клиенттермен жұмыс істеу құралдарымен, ұсыныстарымен таныстық, яғни клиенттің ризашылығын алу жолдарын түсіндік. Мысалы, бір мақсат және міндеттер алдында, қызметкерді күштемеу керектігін, яғни орысша айтқанда «не» предлогын қоюға болмайтынын білдік. Айталық, мынау жұмысты бітіріп болмай, «не пойдешь в отпуск» деуге болмайды. Керісінше, ол кісінің көңілін тауып, онымен ортақ тілде сөйлесіп, құқығын шектемей, бұл жұмысты бітірудің маңыздылығын жеткізу керек, ол кісіге клиент ретінде қарау керек, яғни атын атап, жанарына тура қарап, сөйлесу керек. «Көз көрсе, жүз ұялады» демекші, қызметкер де бұл шараның маңыздылығын түсінері хақ.

Ержан КЕЛДІБАЕВ, Павлодар  

– Мен Павлодар ТЧЭ бастығының өндіріс жөніндегі орынбасарымын. Біз қатысқан тренинг «Стресске төзімділік» деп аталды. Мен бұл шараға қатыса отырып, стресс алдым деуге болады. Яғни, жақсы мағынада. Біз әдетте, стресс десе, оны жағымсыз мағынада қабылдаймыз. Шын мәнінде, қуану, толқу, қобалжу бұлар да стресс түрлері екені осы тренингте керемет етіп түсіндірілді. Ішкі тренерлер әлемдік деңгейдегі коуч-тренерлерден кем емес екенін көрсетті. Жалпы біз стресспен бірге өмір сүреміз. Әсіресе, біздің қызметте ол айрықша сезіледі. Машинистер жұмысы күйзеліспен тікелей байланысты. Осы тренингте стресске төзімді болу жолдары, физиологиялық стресс, негізгі тригерлерді анықтау, оларды меңгеру жолдары түсіндірілді. Өзіміздің осал тұстарымызды анықтау мүмкіндігіне ие болдық. Командамен стресс жағдайынан шығу жолдарын қарастырдық.

Темірлан БАЛМУРЗИН, Қостанай  

– Қостанай локомотив пайдалану депосында мен бақылау және жөндеу бөлімінің бастығы болып жұмыс істеймін. Мен «Тиімді келіссөздер» тренингіне қатыстым. Бізге оны сыртқы жаттықтырушы Светлана Каплена өткізді. Тренинг тамаша өтті. Бұл шарада мен өзіме біраз жаңа нәрселерді түртіп алдым, ұмыт қалған ескі дағдыларды қайта жаңарттым. Келіссөздерді қалай жүргізу керек, адам типін анықтау, тиімділікке қол жеткізу тәсілдерін үйрендік. Тренинг соңында сертификат алдық. Бұдан басқа, көшбасшылыққа үйрететін тренингке де қатысып, жетекші маман болудың қыр-сырларын үйрендік.  

 

Жаңалықтар
16.05.2025
Астанада Ақтау портында жаңа контейнер хабының құрылысы талқыланды
Спорт
16.05.2025
Жеңіс күні қарсаңында теміржолшылар арасында шағын футболдан турнир өтті
ҚТЖ келбеті
16.05.2025
Қырағы кезекші — қауіпсіздік кепілі. Арыс-Түркістан жолындағы оқиға
Спорт
16.05.2025
Маңғыстауда теміржолшылар арасында ұлттық спорт түрлерінен жарыс өтті
Аймақтар
16.05.2025
Тараз оқу орталығындағы жаңашылдықтар
Әлеумет
16.05.2025
Бақыттың кілті – еңбек пен сыйластықта
Қауіпсіздік
16.05.2025
Құрылғылар жұмысы қадағалануда
Жаңалықтар
16.05.2025
Транзит әлеуетіне арналған конференция өтеді
Жаңалықтар
16.05.2025
Қазақстан – Қытай: алғашқы көлік форумы өтті
Жаңалықтар / Мұрағат
16.05.2025
Қазақстан теміржолшысы газеті, №37 16 мамыр 2025 жыл
Жаңалықтар
15.05.2025
Астанада алғаш рет Қазақстан-Қытай көлік форумы өтіп жатыр
Жаңалықтар
15.05.2025
Қазақстан мен Қытай "Алматы-Сиань" бағыты бойынша жолаушылар пойызын іске қосуды жоспарлап отыр
Жаңалықтар
15.05.2025
ЕО Елшісі Ақтау теңіз портына сапармен келді
Жолаушылар тасымалы
15.05.2025
9,5 мыңнан астам жолаушы пойыз бен вагонды ауыстырып отыру қызметтерін пайдаланған
Аймақтар
15.05.2025
Аралда теміржол өткеліне көпір салынды
Аймақтар
14.05.2025
«Әкем – асқар тауым»: Қызылордада әкелер мен ұлдар сайысы өтті
Қауіпсіздік
14.05.2025
20 мыңнан астам азаматқа теміржолдағы қауіпсіздік ережелері түсіндірілді
Әлемде
14.05.2025
Қытайда сутегімен жүретін пойыз алғаш рет жолға шықты
Жаңалықтар
14.05.2025
Мас жолаушы пойыздың тоқтау-кранын жұлып алып, тоқтауына себеп болды
Жаңалықтар
14.05.2025
Қытай Қазақстанға алғашқы CEA1 магистральдық электровозын жеткізді