Жеке қабілеттерді дамыту алаңы

Жаңалықтар
16.12.2022, 11:44
Суреттерді түсірген Александр ЖАБЧУК
Райхан Рахметова

«Қазақстан теміржолшысы» газетінің тілшісі

Форумның алғашқы күні жас теміржолшыларға HR-сарапшы, бизнес-тренер Лариса Чистоедова «Ресурстылықты басқару» тақырыбындағы шеберлік сабағын өткізді. Одан әрі форум «Тәлімгерлер» жобасының үйлестірушілерімен кездесулерге жалғасты.

– «ҚТЖ-100 жас есім» жобасына қатысып, іріктеуден өтіп, форумға бірінші рет қатыстым. Өте қызықты әрі пайдалы ақпараттарды жеңіл тренингтер арқылы бізге жеткізді. Дәл қазіргі шеберлік сабағында «Дара жол» жобасының жетекшілері сөз сөйлеп, аталған жобаның мақсат-міндеттерін түсіндірді. Оның мәні – еліміздегі бір балалар үйінен бір баланы өзіңнің қамқорлығыңа алып, сол балаға ағасы, бауыры секілді өсіп кеткенше үнемі қолдау көрсетіп отыру. Ол бала саған үнемі сенім артып, қиналғанда көмек сұрай алуы керек. Дегенмен жобаға өтіп, бекітілу үшін біраз талаптары бар. Мәселен, отбасылы болса, өз балалары өсіңкіреп кеткен, яғни басқа балаға мейірімін төгіп, қамқорлық етуге уақыты бостау ата-аналар болуы керек. 25 жастан асқан азаматтар қатыса алады екен. Одан бөлек бүгін күні бойына өткен кездесулерде әр спикерден өзімізге керектіні алдық. Мәселен, Азат Әбікенмен кездесуде көп мотивация алдым, – дейді Алматы локомотив пайдалану депосының машинисті Наурызбек Кенжеғараев.  

Келесі күні форум бағдарламасына сәйкес «Кикілжіңді басқару», «Күйзеліске төзімділік», «Көшбасшылық», «Бәсекеге қабілеттілік» тақырыптарында ішкі жаттықтырушылармен тренингтер өткізілді. Бұл іс-шаралардың ерекшелігі – оларды өткізуге сырттан мамандар шақыртылмай, компанияның өзі оқытып шығарған ішкі жаттықтырушыларының тартылуы. Мәселен, солардың бірі компанияның Көпфункционалды қызмет көрсету орталығының корпоративтік оқыту жөніндегі функционалдық бағытының бас менеджері Аягөз Темірова «Көшбасшылық» деген тренингті өткізді. Осы тренингке қатысқан жастардың бірі – Шымкент ЖТ бөлімшесі қауіпсіздік және еңбек қорғау бойынша жетекші инженері Сағидолла Маденов те бұл форумға алғаш рет қатысқан.  

– Еңбек жолымды машинист көмекшісі болып 9 жыл бұрын бастағанмын. Қазіргі қызметім тікелей жұмысшылармен байланысты. Олармен қауіпсіздік ережелерін сақтау, нұсқаулықтарды орындау бойынша жиі кездесіп, сөйлесемін. Сондай кезде мына өткен тренингтерден алған білімнің көп көмегі болатынын түсіндім. Себебі өзіңді қалай көрсету керектігін, сөзіңді қалай жүргізуге болатынын үйретеді екен. «Көшбасшылық» туралы тренингте көптің алдында өзіңді сенімді ұстау, соңыңнан жұртты ерте білу, сендіре білу сынды қасиеттерді дамытады. Соның бәрін арнайы жеңіл тапсырмалар, ойындар арқылы өзімізге шешім қабылдатқызу арқылы жеткізеді. Көбіне мұнда командалық ойындар болды. Оның да ұжымдағы қызметкерлермен жұмыста керегі зор, – дейді жас теміржолшы.  

Ал компанияның «Магистральдық желі дирекциясы» филиалының адами ресурстарды басқару департаментінің менеджері Динар Карыбаева «Кикілжіңді басқару» тренингін жүргізді. 2019 жылдан бері ішкі жаттықтырушы ретінде қарым-қабілетін көрсетіп жүрген ол сонымен қатар бизнес-жаттықтырушы, коуч, НЛПер, энергопрактик, родолог, трансформациялық ойындар жүргізушісі, Аксесс барс фассилитатор сынды бағыттарды да меңгерген. Сол тренингке қатысушылардың бірі – Қарағанды ЖТ бөлімшесіне қарасты Нұра станциясының бастығы Мәди Абенов алған әсерімен бөлісті.

– «ҚТЖ-100 жас есім» жобасына 2019 жылы өткен жастардың бірімін. Биыл біздің кезеңнің жұмысы аяқталады. Бұл жобаға өткен кезде мен пойыз диспетчері болып еңбек ететінмін. Кейін станция басшылығына көтерілдім. Сондықтан жобаға қатысқанның арқасында мен жас та болсам басшылық қызметке өттім. Бұл үлкен сенім, зор жауапкершілік екенін сезінемін. Үш жыл осында білім алдық. Күйзеліске төзімділік, көшбасшылық қасиеттерін дамыттық. Қазіргі «Кикілжіңді басқару» тренингінің де мен үшін орны бөлек. Себебі өзім 42 адамнан тұратын станция ұжымын басқарамын. Осында алған білімімді ұжымды басқаруда пайдаланамын, – дейді Мәди.  

Барлық тренингке қатысушылар арнайы сертификаттармен марапатталды.  

 

Жаңалықтар
02.10.2025
ҚТЖ мен AD Ports Group ынтымақтастық перспективаларын талқылады
Аймақтар / Бейнелер
02.10.2025
Сексеуіл станциясында өткел ғимараты пайдалануға берілді
Аймақтар
02.10.2025
Ардагер теміржолшыларға құрмет көрсетілді
Жаңалықтар
02.10.2025
Jibek Joly туристік пойызы келесі сапарға дайындалуда
Аймақтар
02.10.2025
Жем локомотив пайдалану депосына – 120 жыл
Жаңалықтар
01.10.2025
ТХКБ үшін жаңа серпін: Қазақстан, Әзірбайжан және Грузия стратегиялық құжатқа қол қойды
Станция тынысы
01.10.2025
Достық станциясы — Қазақстан мен Қытай арасындағы негізгі көлік торабы
Жаңалықтар
01.10.2025
Алматыда Түркі мемлекеттері ұйымы көлік министрлерінің VIII кездесуі өтті
Әлемде
01.10.2025
Бүгіннен бастап Қытай пойызға қағаз билеттерді қолдануды тоқтатты
Әлеумет
01.10.2025
Бершүгір станциясында теміржолшыларға арналған спорт кешені ашылды
Жаңалықтар
01.10.2025
Экологтарға арналған оқытуда қалдықтарды бөлек жинау мен жаңа кодекс нормалары талқыланды
Жаңалықтар
01.10.2025
New Silk Way: ҚТЖ еуразиялық транзитте стратегиялық көшбасшылықты күшейтуде
Жаңалықтар
30.09.2025
Пойыздан кешіккен бойжеткен машинист кабинасына тас лақтырды
Жаңалықтар
30.09.2025
Алматыда «New SilkWay» бизнес-форумы өтіп жатыр
Жаңалықтар
30.09.2025
Президент: Қазақстан арқылы әлемнің ең ірі сауда нарығына 5 теміржол дәлізі өтеді
Жаңалықтар
30.09.2025
Мемлекет басшысы «Достық – Мойынты» теміржолының екінші желісін іске қосты
Трансформация
30.09.2025
Локомотив құрастырудың жаңа деңгейі
Жаңалықтар
30.09.2025
«НR-өндіріс серпіні»: Маңызды жобалар алаңы
Қауіпсіздік
30.09.2025
Қараусыз мал мен құлаққаптағы адам – пойыз қозғалысына қауіп
Аймақтар
30.09.2025
Құрылғылар сенімділігі күмән туғызбайды