Жыл басынан теміржол бөлшектерін ұрлаудың 40-тан астам жағдайы тіркелді

Қонаев станциясында теміржолшылар мен ПЖБ қызметкерлерінің бірлескен рейді барысында темір жол жоғарғы құрылысының бөлшектерін ұрлаған 1998 және 2003 жылғы  жас жігіттер ұсталды. Ұрлық фактісі бойынша зиянкестерді қылмыстық жауапкершілікке тарту жөнінде шаралар қабылданатын болады, деп хабарлайды Rail-news.kz.

Жыл басынан бері ҚТЖ магистральдық желісінде жолдың жоғарғы құрылымының бөлшектерін (түйіспелі төсемдер, болттар және т.б.) ұрлаудың 44 жағдайы тіркелді.

Бұндай заңбұзушылықтар жолаушылар мен тасымалданатын жүктер үшін ауыр зардаптары бар жылжымалы құрамның жолдан шығып кетуіне, стратегиялық объектілердің бұзылуына әкелуі мүмкін.

Теміржол көлігі қызметкерлерінің қырағылығы арқасында барлық төтенше жағдайдын алдын алуға қол жеткізілді. Жолдағы ақауларды жою бойынша теміржолшылар уақытылы шаралар қабылдауда. Жолаушылар қауіпсіздігін қамтамасыз ету үшін кейбір учаскелерде пойыздардың жүру жылдамдығы төмендетілсе, бұл өз кезегінде олардың кестесіне теріс әсер етеді.

Теміржол инфрақұрылымы элементтерін ұрлаудың ең көп саны Алматы, Қарағанды, Ақмола, Павлодар, Маңғыстау және Жамбыл өңірлерінде тіркелген.

- Алматы жол дистанциясы шегінде теміржолдың жоғарғы құрылымы элементтерін ұрлау жиілеп кетті. Тек соңғы бір жарым айда түнгі уақытта 72 астам жол төсемдері мен 200 түйіспе болттары ұрланған. Мұндай жағдайлардың алдын алу үшін біз желілік полиция бөлімі қызметкерлерімен  бірлескен рейдтер жүргіземіз, - дейді Алматы магистральдық желі бөлімшесінің директоры Асқар Жексенбиев.

Теміржолшылар жолдағы ақауларды жою және пойыздар қозғалысы қауіпсіздігін қамтамасыз ету бойынша барлық шараларды уақтылы қабылдайды.