ЕАЭО мен Қытай теміржол жүк тасымалына электрондық құжат айналымын енгізбек
Еуразиялық экономикалық одақ пен Қытай Халық Республикасы тараптары сауда-экономикалық өзара іс-қимылын практикалық кеңістікте жандандыруға және арттыруға бағытталған жол картасына қол қойды, деп хабарлайды Rail-news.kz.
Рәсім ЕЭК Сауда жөніндегі министрі Андрей Слепнев пен ҚХР Коммерция министрінің орынбасары Ли Фейдің төрағалық етуімен бейнеконференция форматында өткен Сауда-экономикалық ынтымақтастық туралы келісімді іске асыру жөніндегі бірлескен комиссияның үшінші отырысы аясында өтті.
Құжат өзіне үш бөлімді кірістіреді, олар: көлік дәліздерін цифрландыру, сыртқы сауда саясаты туралы диалогтар, сондай-ақ ЕАЭО мен ҚХР ынтымақтастығын тереңдетудің әртүрлі сценарийінің тиімділігі туралы бірлескен ғылыми зерттеулер өткізу.
"Бірінші бөлімнің іс-шаралары тараптардың электрондық-цифрлық қолтаңбаны пайдалана отырып, жүк теміржол тасымалдары кезінде құжаттар алмасудың электрондық нысанына кезең-кезеңмен көшуді бағамдайды. Мұның сауда рәсімдерін көрінеу оңайлатуға және біздің елдеріміздің арасында жүк тасымалдауды тездетуге мүмкіндік беретініне сенімдімін", — деп атап өтті Андрей Слепнев.
Бұдан басқа, кеден саласындағы, сондай-ақ ветеринариялық және фитосанитариялық бақылау саласындағы ынтымақтастықты дамыту көзделуде. Теңіз және автомобиль көлігі бөлігінде тараптар арасында электрондық логистикалық ақпарат саласында тәжірибе алмасу жоспарланған.
Жол картасының екінші бөлігі халықаралық саудаға елеулі ықпалын тигізетін сауда саясаты мәселелері бойынша орнықты диалог қалыптастыруға бағдарланған. 2023-2024 жылдар ішінде талқылау үшін Қытай тарапымен мына бағыттар келісілді: климаттық күн тәртібі, ЕАЭО мен ҚХР сыртқы саудасын дамыту стратегиялары, ішкі нарықты қорғау шараларын қолданудың халықаралық практикасы, электрондық сауда.
Үшінші бөлім ЕАЭО мен ҚХР-дың ғылыми топтарының ЕАЭО, оған мүше мемлекеттер және Қытай арасындағы сауда-экономикалық ынтымақтастықты тереңдетудің әртүрлі сценарийінің тиімділіктеріне кешенді талдау жүргізуін бағамдайды.