Күмісай Тіленбаева: «Мамандығым – тағдырым»
Мен, Тіленбаева Күмісай Балтабайқызы «ҚТЖ-Жүк тасымалы» АҚ «Батыс» Маңғыстау қосалқы бөлімшесі Бейнеу станциясында шекаралық аға тауар кассирі болып жұмыс істеймін. Теміржолшылар отбасынан шықтым, әкем, екі ағам, екі апам және інім де теміржолшы. Марқұм әкем де темір жол саласында ПЧ-12 мекемесінде жол жөндеуші болып 40 жыл кызмет атқарып зейнетке шықты. Мен де теміржолшы аға-апаларымның жолын қуып, теміржолшы мамандығын таңдадым.
Алғаш еңбек жолымды 1988 жылы Актөбе каласындағы АТЖТ (Актюбинский Техникум Железно дорожного Транспорта) ойдағыдай бітіріп Мақат станциясында, сол кездегі Гурьев ауданы темір жол станциясына пойыз қабылдаушы болып қабылдандым. Сол салада 3 жыл кызмет атқардым, алғаш жұмыс барысы өте қызықты, өте есте қалатын күндермен басталды. Сол кездегі мекеме басшысы Қабдешов Серік Жарасұлы басқарған ұжымнан көптеген қызметіме қатысты деректер жинап, көп нәрсені үйрендім.1990 жылы тамыз айында отбасылық жағдайға байланысты Бейнеу ауданы Бейнеу темір жол станциясына мекеме басшысы Қабдушев Серікбай ағай басқарған мекемеге пойыз қабылдаушы кызметіне қабылданып, жұмысқа орналастым.
Бейнеу станциясы 9 жолдың торабында тұрған өте үлкен темір жол жұмысының қайнап жатқан жері. 1995-1999 жылдар аралығында шекара тауар кассирі қызметін атқардым, 2000-2010 жылға дейін шекаралық транзит агенті болып істедім. 2010 жылдың тамыз айынан бастап қазіргі таңға дейін шекаралық аға тауар кассирі қызметін атқарамын. Жоғарыда айтқандай Бейнеу темір жол станциясы тоғыз жолдың торабы: Мақат, Тассай, Орта Азия, Манғышлақ 4 бағыт бойынша пойыз қабылдап, жасақтап, тапсырып отырады.
2003 жылдың желтоқсанның бірінен бастап біздің тауар кассирлері Өзбекстан шекарасы Қарақалпақстан станциясында (МГСП КАРАКАЛПАКСТАН) Орта Азиядан пойыздарды қабылдап тапсырып отырады. Әрине, қиындықсыз болмайды соның ішінде өзге елге барып қызмет атқарғасын сол елдің қызметкерлерімен мекеме басшылырымен қоян-қолтық бірлесіп жұмыс істеуге, ол жердегі белгіленген жұмыс тәртібіне бағынады.
Жұмыс бағытына келетін болсам осы өткен 2022 жылы Орта Азиядан 424 пойыз кабылдап, 550 пойыз тапсырдық. Орта Азияға тапсырған 550 пойыздың есебі Астана « ГП Расчет» мекемесіне 12648, Ақтөбе «ТехПД» мекемесіне 4409 құжат жасақталып жіберілді. Мен өз қызметімді мақтан тұтамын және темір жол саласының дамуына өз үлесімді қосамын. Осы темір жол саласында қызмет атқарған аралықта 2019 жылы ҚТЖ Компания приезиденті Сауыт Мыңбаевтан және 2021 жылы Бейнеу аудан әкімі Бейнеубек Әбіловтен Алғыс хат марапатына ие болдым. Менің мақсатым осы теміржол саласында адал қызмет етіп, үйренген тәжірибемді артымызда еріп келе жатқан әріптестерге іні-сіңлілеріме үйрету, темір жол саласының өсіп өркендеуіне өз үлесімді қосу. Темір жол саласында қызмет еткен еңбек өтілім 38 жыл.