Вагон шаруашылығына арналған конференция өтті
«Қазақстан теміржолшысы» газетінің тілшісі
Жуырда «Қазақстан вагон жөндеу кәсіпорындары қауымдастығы» заңды тұлғалар бірлестігі ұйымдастырған «Жылжымалы құрам. Қызмет көрсету және перспективалар» атты конференциясы өтті.
Іскерлік және конструктивті диалог алаңына Қазақстан Республикасы жылжымалы құрамының операторлары мен иелерінің 55 кәсіпорнынан 100-ден астам адам, оның ішінде, «ҚТЖ» ҰК» АҚ және оның еншілес ұйымдары, қазақстандық операторлар мен тасымалдаушылар қауымдастығы, «Логистика және көлік академиясы» АҚ, жүк вагондарына қызмет көрсететін сервистік компания басшылары мен мамандары, «ТемірТрансСервис» ЖШС, вагон жөндеу кәсіпорындарының қазақстандық қауымдастықтарының мүшелері және вагон жөндеу кәсіпорындарының өкілдері және теміржол өнімдерін өндірушілер қатысты.
Конференцияның мақсаты – вагон шаруашылығының күрделі мәселелерін талқылау, вагон иелері, жөндеу кәсіпорындары, «ҚТЖ» ҰК» АҚ құрылымдық бөлімшелері және басқа да ұйымдар арасында ашық диалогқа ықпал ету.
«ҚТЖ» ҰК» АҚ Қауіпсіздік департаментінің директоры Марат Шәкенов құттықтау сөзінде «Қазақстан вагон жөндеу кәсіпорындары қауымдастығы» ЗТБ жұмысының маңыздылығын, сондай-ақ соңғы жылдарда елімізде вагон жөндеу секторы дамуының оң динамикасын атап өтті.
«Қазір елімізде заманауи жабдықтар мен диагностикалық құралдар енгізілуде, технологиялық жабдықтарды жаңарту және инфрақұрылымды қалпына келтіру жұмыстары жүргізілуде. Соңғы уақытта вагон жөндеу кәсіпорындары 25-ке дейін өсті, ВДШ саны да өсіп келеді, олардың саны 12-ге жетті, бұл салауатты бәсекелестікті қалыптастырады, бұл – бизнестегі табыстың кепілі», – деді ол.