Alstom компаниясы Астанада теміржол арбаларын өндіретін және жөндейтін алғашқы орталықты ашты
Alstom компаниясы Қазақстандағы теміржол көлігінің барлық түрлеріне арналған арбаларды өндіру мен оларға қызмет көрсетуге маманданған алғашқы орталықты ашты, деп хабарлайды Rail-news.kz.
Alstom компаниясы, зияткерлік және орнықты мобильділік саласындағы әлемдік көшбасшы, Астанада бүкіл өмірлік цикл бойына теміржол көлігінің барлық түрлеріне арналған арбаларды өндіру мен оларға қызмет көрсетуге маманданған арбаларды өндіру және жөндеу орталығын алғашқы болып ашты. Жаңа орталықтың алаңы 8000 шаршы метр. Alstom-ның Қазақстандағы даму жоспары аясында, компания арбаларды өндіру және жөндеу жөніндегі орталықты құруға 15 млн еуродан астам инвестиция салып, 100-ден астам жұмыс орнын қамтамасыз етті.
Alstom компаниясының басым міндеттері-құрамдас бөліктердің қызмет ету мерзімін ұзарту, тиімді техникалық қызмет көрсету жоспарлары және максималды пайдалану дайындығын қамтамасыз ету үшін жетілдірілген күйге негізделген техникалық қызмет көрсету функциялары сияқты шаралар арқылы операторлар үшін меншіктің жиынтық құнын оңтайландыру. Alstom өндірген арбалар жоғары беріктілігімен ерекшеленеді және әртүрлі табиғи-климаттық жағдайларда жұмыс істеуге арналған, сондай-ақ, қайта өңдеуге 98% жарамды. Арбаларды өндіру және жөндеу орталығы жабдық өндірушілерінің білімі мен технологиясын инновациялық әзірлемелермен біріктіреді.
«Арбаларды өндіру және жөндеу орталығымыз 25 жыл бойы Alstom жүк және жолаушылар электровоздарына толық техникалық қызмет көрсетуді қамтамасыз етуде негізгі рөл атқарып келеді», - дейді Батыс және Орталық Азиядағы басқарушы директор Қанат Алпысбаев.
Alstom өмірлік циклді басқару және техникалық шешімдер арқылы арбалар мен олардың құрамдастарының мінсіз жай-күйін жөндеу және күрделі жөндеу арқылы қалпына келтіре отырып, әртүрлі қызметтерді ұсынады. Арбаларды өндіру және жөндеу орталығы дөңгелек жұптары мен тербеліс бәсеңдеткіштерін жөндеуді, 3D-өлшемдерін, бұзбайтын бақылауды, дөңгелек жұптары мен қозғалтқыштардың сынақтарын, сондай-ақ цифрлық өндірістік процес негізінде жүзеге асырылатын осыған байланысты басқа да жұмыстарды қамтитын арбалардың тораптарын жөндеуге мүмкіндік береді. Сонымен қатар, орталық Alstom компаниясы өндірмеген теміржол көлік құралдарының құрамдастарына қызмет көрсете алады.
«Бұл озық өндірістік объект Қазақстанда Alstom компаниясының индустрияландыруын дамытудың нәтижесі болды. Арбаларды өндіру және жөндеу орталығымыз 25 жыл бойы Alstom жүк және жолаушылар электровоздарына толық техникалық қызмет көрсетуді қамтамасыз етуде негізгі рөл атқарып келеді. Инновациялық жабдықтар мен қызметтердің толық спектріне ие бола отырып, біз Қазақстанда мобильділікті қамтамасыз етудегі сенімді серіктес ретінде қолдау көрсетуге қуаныштымыз», – деп атап өтті Қ. Алпысбаев.
Alstom компаниясы Батыс және Орталық Азияда 1000-нан астам қызметкер штаты, Қазақстанда, Әзербайжан мен Өзбекстанда үш өкілдігі, бес қоймасы, сервистік орталығы және екі зауыты: Астана қаласындағы электровоздарды өндіру мен оларға қызмет көрсету және тартым трансформаторларын шығару жөніндегі ЭҚЗ мен Алматы қаласындағы бағыттамалық бұрмаларды өндіру жөніндегі КЭП бар.