ҚТЖ және Abu Dhabi Ports Group бірлескен кәсіпорын құрады
"ҚТЖ" ҰК " АҚ және AD Ports Group бірлескен кәсіпорын құру туралы шартқа қол қойды. Құжатқа Дубай қаласында Мемлекет басшысы Қ.Тоқаевтың Біріккен Араб Әмірліктеріне жұмыс сапары аясында қол қойылды.
Жаңа бірлескен кәсіпорынның жұмысы Солтүстік – Оңтүстік бағытын дамытуға, Каспий теңізіндегі порт инфрақұрылымын кеңейтуге, сауда хабтарын құруға бағытталатын болады.
ҚТЖ және AD Ports Group ынтымақтастығы Қазақстанның көлік-транзиттік әлеуетін дамытуға, экспорттық бағыттарды ұлғайтуға және Араб шығанағы елдерінде қазақстандық тауарлар нарығын құруға ықпал ететін болады.
Анықтама: AD Ports Group-БАӘ-дегі өнеркәсіптік және логистикалық оператор. Компания өңірдегі ең ірі холдингтердің бірі болып табылады. Оның портфелінде Абу – Дабидің әртараптандырылған экономикасының негізгі салаларындағы ірі кәсіпорындар бар.