Теміржолдың сенімді әрі қауіпсіз жұмыс істеуі жол қызметкерлеріне байланысты

Еліміздің әр өңіріндегі теміржолшылар жолды жөндеумен айналысатын жұмысшыларға тұрмыстық жағдайлар жасалғаны туралы қысқа бейнероликтер түсіруде.  

Бейне Достық, Никельтау, Хромтау, Жарма және басқа станциялардан жіберілді, онда өткен жылы жол шаруашылығы қызметкерлеріне арналған модульдік ғимараттар орнатылған болатын.

Ғимараттардың бірнеше түрі бар, олардың басты айырмашылығы - көлемінде. Жеке ғимараттар 100 шаршы метрге жетеді. Мұндай үйлерді жол шаруашылығы қызметкерлері алыс станцияларға іссапарлар кезінде пайдаланады. Мұнда түскі үзіліс жасалады.

Роликтерде ұсынылған барлық модельдік ғимараттарда тазалық, тәртіп, жылулық пен жайлылық бар. Бөлмелер бірнеше тұрғын аймақтарға: жатын бөлме, ас үй, жуынатын бөлме болып бөлінеді.

Ғимаратқа кіре берісте қызметкерлер сыртқы киімдерін шешіп, сүйретпе киеді. Мұнда душ қабылдауға, теледидар көруге, түскі немесе кешкі асты дайындауға немесе жылытуға болады. Ас үйде қажетті жиһаз, ыдыс-аяқ, электр құрылғылары бар: шайнек, микротолқынды пеш, плита, тоңазытқыш, су сүзгілері орнатылған. Ылғал киімді кептіру шкафында кептіруге болады. Ауа баптағыш, өрт және күзет дабылы орнатылған.

Теміржолдың сенімді және қауіпсіз жұмыс істеуі жол қызметкерлерінің кәсіби білімі мен дағдыларына байланысты. Жолшылардың негізгі міндеті – жолдың сеніп тапсырылған бөлігін техникалық жарамды күйде ұстау, ақауларды уақытында анықтау және оларды жою бойынша шаралар қабылдау.