Достық-Мойынты учаскесінде екінші жолдар бойынша пойыздар қозғалысы 2024 жылы ашылады

Достық – Мойынты теміржол учаскесінде екінші жолдардың құрылысы белсенді қарқынмен жүргізілуде. Жобаны2025 жылы  аяқтау қарастырылған. Алайда, ҚТЖ-да ағымдағы жылы Достық – Ақтоғай және Мойынты  – Балқаш  бөлігіндегі екінші жол бойынша пойыздар қозғалысын ашу жоспарлануда, деп хабарлайды Rail-news.kz.

Қазіргі уақытта учаскенің барлық ұзындығы – 836 км. Құрылыс алаңына 450 бірлік техника және 1500 астам адам жұмылдырылды. Жер төсемін толтыру 94% аяқталды. Қазірдің өзінде 463 шақырымнан астам екінші жол салынды. Бунақ жинау базаларында 240 км астам рельсті шпалды тор жиналып, төсеуге дайын.  Көпірлер салынуда. Жоба бойынша 92 көпірдің 31-і аяқталды. Су өткізгіш құбырларды орнату бойынша жұмыстар 82% орындалды. Ащыөзек - Тағынқара, Көктұма – 16-разъезд, 16-разъезд - -Жаланашкөл (2 дана), Жаланашкөл – 19-разъезд аралықтарында 5 жол өтпесі бойынша жұмыстар жүргізілуде. БОБ, байланыс және энергиямен жабдықтау жүйелері жаңғыртылуда. Магистраль бойында электр беру желілерінің 7523 тірегі орнатылған (жалпы көлемнің 70%).  

Достық - Мойынты учаскесі Қазақстан аумағы арқылы өтетін Қытай – Еуропа – Қытай негізгі транзиттік дәлізінің бөлігі болып табылады. Екінші жолды пайдалануға беру учаскенің өткізу қабілетін 5 есеге арттыруға мүмкіндік береді, бұл қарқынды өсіп келе жатқан жүк ағыны жағдайында қажет.