Өзбекстаннан Қазақстанға жаңа курорттық пойыз жүреді

Өзбекстан темір жолы Нүкіс қаласынан Қазақстанға қатынайтын жаңа курорттық пойызды іске қоспақ, деп хабарлайды Rail-news.kz.

«Узбекистон темир йуллари» АҚ Нүкіс (Өзбекстан) мен Маңғыстауды (Қазақстан) байланыстыратын жаңа темір жол бағытын іске қосуда. Пойыз аптасына үш рет: Нүкістен Маңғыстауға бейсенбі, сенбі және сейсенбі күндері, ал қарсы бағытта жұма, жексенбі және сәрсенбі күндері қатынайтын болады.

Жаңа бағыт бойынша алғашқы рейс 22 тамызда Нүкіс – Маңғыстау, кері рейс 23 тамызда жүзеге асады. №650 пойыз Нүкіс қаласынан 20:16-да шығып, Маңғыстауға 17:14-те жетеді. №649 пойыз Маңғыстаудан сағат 18:54-те шығып Нүкіске 15:22-де жетеді.

Дильназ Айдарбекова