Аймақ ахуалын сарапқа салған сапар

Жаңалықтар
06.12.2024, 08:50
Суреттерді түсірген Олжас АХМЕТОВ
Сұлугүл Бакесова

«Қазақстан теміржолшысы» газетінің тілшісі

«ҚТЖ» ҰК» АҚ басшылығының кезекті сапары Алматыда жалғасып, бірқатар нысандарды аралап, аймақ ахуалын сарапқа салды. Алматы торабындағы еңбек ұжымдарымен кездесіп, сала жұмысының дамуына үлес қосып жүрген теміржолшыларды марапаттады.

Алатау баурайына жұмыс сапарын Алматы-2 логистикалық кешенінің құрылысын аралаудан бастаған басшылық бүгінгі таңда инженерлікгеодезиялық және геологиялық іздестіру жұмыстары жүргізіліп, демонтаж жұмыстары басталған нысанмен танысты. Ауданы шамамен 10 гектар болатын терминал аумағында заманауи жабық (24 500 м2 ) және ашық (12 000 м2 ) қоймалардың, сонымен қатар контейнерлік алаңдардың (12 000м2 ) құрылысы қарастырылған. Жобалық қуаты 57 мың ЖФЭ болатын кешен құрылысын 2025 жылы аяқтау жоспарланған. Жобаны жүзеге асыру Алматы қаласы мен Алматы облысының жүк жөнелтушілері үшін импорттық хаб режимінде ҚХР-дың іс жүзінде барлық өңірлерінен жүктерді жоғары деңгейде үйлестіруге мүмкіндік береді.  

Келесі кезекте компания басшылығы Оңтүстік-Шығыс аймағы бойынша Пойыздар қозғалысын басқарудың өңірлік орталығына барды. ПБӨО-2 Алматы, Шымкент, Жамбыл және Семей бөлімшелерінің диспетчерлік орталықтарын біріктіреді, жолдың эксплуатациялық ұзындығы 4450 км. Кездесу барысында пойыздардың үздіксіз және қауіпсіз қозғалысын қамтамасыз етуде ПБӨО-2 диспетчерлеріне өте жоғары жауапкершілік жүктелетіні атап өтілді.  

Оңтүстік астанадағы көптің назарында тұрған бірегей жоба – айналма жол. Жетіген станциясында Алматы айналма теміржолының құрылысы бойынша көшпелі отырыс өтті. ҚТЖ басшылығы құрылыс-монтаждау жұмыстарын уақытында орындау бойынша міндеттерді атап өтті. Құрылыс сапасы мен мерзімін сақтауға қатаң бақылау жүргізу керектігі тапсырылды. Алматыны айналып өтетін теміржол желісі – Президенттің тапсырмасы бойынша ҚТЖ іске асырып жатқан, елдің көлік-транзиттік әлеуетін дамыту үшін аса маңызды ірі инфрақұрылымдық жобалардың бірі. Жетіген-Қазыбек бек жаңа тармағы Алматы темір жол торабының жүктемесін 40%- ға азайтып, жүктерді жеткізу уақытын 1-2 күнге қысқартады.  

Бүгінде бір мезгілде жер төсемі төселіп, көпірлер салынып, су өткізу құбырлары орнатылуда. Жоба бойынша барлығы 74 жасанды құрылыс қарастырылған. Жолшылар үшін плацдармды қамтамасыз ету үшін механизаторлар жер жұмыстарының 80%- ын орындаған. 60 шақырым рельс-шпалдық тор жиналып, төселуге дайын. Нысанда 600-ге жуық адам жұмыс істеп жатыр және 230-дан астам түрлі техника тартылған. Ал күні кеше айналма жолдың алғашқы рельстері төселе бастағаны хабарланды. Басшылық тарапынан құрылыс-монтаж жұмыстарын уақытылы орындау жөніндегі міндеттер белгіленіп, құрылыстың мерзімі мен сапасын қатаң бақылау тапсырылды.  

Алматы бөлімшесінде өткен дәстүрлі жиында көпшілікті Қазақстан темір жолының 120 жылдығымен құттықтаған сала басшысы теміржолшы мамандығының маңызы мен мәртебесіне ерекше тоқталып өтіп, ерен еңбегімен көзге түскен жұмыскерлер мен ардагерлерді марапатқа бөледі.  

Жаңалықтар
28.09.2025
ҚТЖ басшылығы Астана-1 вокзалының жөндеу жұмысымен танысты
Жаңалықтар
27.09.2025
Құрметті теміржолшы «Құрмет» орденімен марапатталды
Жаңалықтар
27.09.2025
ТХКБ-ны бірлесе дамыту жайы талқыланды
Жаңалықтар
27.09.2025
ҚТЖ-да «HR – өндіріс серпіні» стратегиялық HR-сессиясы өтті
Жаңалықтар
27.09.2025
Темір жолдар мен тағдырлар: Алматыда «Жолдар» телехикаясының түсірілімі басталды
Жаңалықтар
26.09.2025
Еліміздің теміржол көлігі жаңа деңгейге көтерілуде: ҚТЖ және Wabtec ауқымды әріптестікті іске қосты
Цифрландыру
26.09.2025
Бейнебақылау камерасына баға берсек...
Инфрақұрылым
26.09.2025
Астанада өткен форумда ұлттық жобалар сөз болды
Аймақтар
26.09.2025
Арыс-2 вокзалы қайта салынуда
Цифрландыру
26.09.2025
Цифрландырудан – жасанды интеллектке дейін
Аймақтар
26.09.2025
Шиелі вокзалы тарихи келбетін сақтай отырып жаңғыртылуда
Жаңалықтар
26.09.2025
100-ден астам студен ҚТЖ-ның орталық музейінде болды
ҚТЖ келбеті
26.09.2025
Парк кезекшісінің ерлігі
Қауіпсіздік
26.09.2025
Алғашқы көмек – маңызды
ҚТЖ келбеті
26.09.2025
Ұтқыр шешімге негіз болған ұсыныс
Аймақтар
26.09.2025
Арнайы жасақтың ауқымы кең
Аймақтар
26.09.2025
Марапат иесін тапты
Жаңалықтар / Мұрағат
26.09.2025
Қазақстан теміржолшысы газеті, №78-79 26 қыркүйек 2025 жыл
Қауіпсіздік
25.09.2025
Қауіпсіздік – ревизордың көзімен
Аймақтар
25.09.2025
Абай әлеміне саяхат