Желтоқсан мерекелерінде пойыздарда қосымша 43 мыңнан астам орын ұсынылады
Тәуелсіздік күні мен Жаңа жыл мерекелері қарсаңында жолаушылардың сұранысын қамтамасыз ету мақсатында Ұлттық тасымалдаушы қосымша пойыздар енгізді. Олар барлығы 43 мыңнан астам жолаушыны тасымалдауға мүмкіндік береді, деп хабарлайды Rail-news.kz.
Қосымша пойыздар келесі бағыттарда ұйымдастырылады:
№201/202 «Астана – Алматы» пойызы:
Астанадан: 13, 16, 19, 22, 25, 28 желтоқсан және 1, 4 қаңтар 2025 жыл.
Алматыдан: 14, 17, 20, 23, 26, 29 желтоқсан және 2, 5 қаңтар 2025 жыл.
№203/204 «Астана – Шымкент» пойызы:
Астанадан: 13, 17, 20, 23, 26, 29 желтоқсан және 1, 4 қаңтар 2025 жыл.
Шымкенттен: 14, 18, 21, 24, 27, 30 желтоқсан және 2, 5 қаңтар 2025 жыл.
№205/206 «Ақтөбе – Астана» пойызы:
Ақтөбеден: 13, 16, 19, 22, 25, 28 желтоқсан және 1, 4 қаңтар 2025 жыл.
Астанадан: 14, 18, 21, 24, 27, 30 желтоқсан және 3, 6 қаңтар 2025 жыл.
Одан бөлек, мерекелік күндері сұранысы жоғары бағыттарға 688 қосымша вагон тіркеледі, бұл 28 мыңнан астам қосымша орын ұсынуға мүмкіндік береді. Пойыздар стандартты купе және плацкарт вагондарынан құралады.
Аймақтар бойынша қосымша вагондар:
Солтүстік өңірі: 279 вагон – 12 188 орын.
Батыс өңірі: 298 вагон – 12 824 орын.
Оңтүстік өңірі: 96 вагон – 4 256 орын.
2024 жылғы 13 желтоқсаннан бастап қала маңы бағытында 6 вагоннан тұратын 3 қосымша электр пойызы іске қосылады, нәтижесінде 1 123 қосымша орын қамтамасыз етіледі:
№7515/7516 «Астана – Бурабай курорты» күн сайын (сейсенбі және сәрсенбіден басқа).
№7553/6811–6812/7556 «Қарағанды – Астана – Боровое курорты» жұма, сенбі және жексенбі күндері.
№7509/6805–6806/7510 «Павлодар – Астана – Боровое курорты» аптасына екі рет: жұма және жексенбі күндері.
Қосымша пойыздар мен вагондар жолаушыларға қолжетімді орын санын едәуір арттырып, жайлы және қауіпсіз сапарды қамтамасыз етеді.
Билеттер bilet.railways.kz сайтында және вокзалдардың билет кассаларында қолжетімді.