Көлік тораптарын дамытуға назар аударылады

Жаңалықтар
29.01.2025, 13:14
Фото: Ақорда
Сұлугүл Бакесова

«Қазақстан теміржолшысы» газетінің тілшісі

28 қаңтар күні Қазақстан Президенті Қасым-Жомарт Тоқаевтың төрағалығымен Үкіметтің кеңейтілген отырысы өтті. Отырыс барысында Премьер-министр Олжас Бектенов Мемлекет басшысына 2024 жылдың қорытындысы бойынша Үкімет жұмысының негізгі нәтижелері жөнінде баяндады.

Теміржол саласына қатысты Премьер-министр еліміздің көлік-логистика әлеуетін ашу жөніндегі міндеттерді іске асыру шеңберінде биыл «Достық-Мойынты» және Алматы қаласын айналып өтетін темір жолдардың құрылысын аяқтау жоспарланып, «Дарбаза-Мақтаарал» және «Бақты-Аягөз» жобаларын іске асыру жалғасып жатқанын айтты.

Сонымен қатар «Мойынты-Қызылжар» жаңа теміржол желісін салу жобасы биыл басталар болса, қазір «Алтынкөл-Жетіген» учаскесінің екінші жолының құрылысы бастау алған.    

Мемлекет басшысы көлік-логистикалық инфрақұрылымның маңыздылығына тоқталды.  

«Транзит – жүктерді тасымалдау үшін халықаралық бәсекелестікте біздің үлкен артықшылығымыз. Бұл артықшылықты толығымен және тиімді пайдалану керек. Транскаспий бағдарының негізгі буыны болатын Трансқазақстан теміржол дәлізін дамытуды жеделдету қажет. Осы бағыттағы маңызды жобалардың бір бөлігі жүзеге асырылуда, бірақ болашақта одан әрі жұмыс істеу керек», – деді Қасым-Жомарт Тоқаев.  

Мемлекет басшысы «Мойынты-Қызылжар» жаңа теміржол желісін салуға кірісуді және Қызылжар станциясынан Ақтау портына дейінгі магистральдың жүктемесі айрықша учаскелерін жаңғыртуды тапсырды.  

Сондай-ақ Мемлекет басшысы «Алтынкөл-Жетіген» учаскесін кеңейтудің маңызы зор екенін атап өтті. Бұл Қытай мен Орталық Азия арасындағы көлік дәлізінің әлеуетін едәуір күшейтеді. Бұл ретте теміржол тасымалын цифрландыру жөніндегі жобаларды уақытылы аяқтау да маңызды болмақ.  

«Тасымалдауды көліктің барлық түрлерімен біріктіруге мүмкіндік беретін мультимодальды көлік тораптарын дамытуға назар аудару керек. Ағымдағы және келесі жылдар осы бағыттағы жұмыстар серпінді болуы тиіс», – деді өз сөзінде Қ.Тоқаев.  

Президент сонымен қатар  цифрлық технологияларды жан-жақты енгізу мәселесіне тоқталып, Үкіметке мемлекеттік органдар мен ұлттық компанияларда жасанды интеллект құралдарын енгізуге кірісуді тапсырды.  

Айта кетейік, «ҚТЖ» ҰК» АҚ сала дамуының негізгі факторларының бірі ретінде цифрлық технологияларды қолдануға ерекше маңыз беріп отыр. Теміржол саласында PSA компаниясымен бірлесіп, кедендік және транзиттік бизнес-процестер цифрланып, «Wabtec» және «Huawei» компанияларымен бірге жасанды интеллект технологиялары енгізілуде. Логистиканы оңтайландыруға ықпал ететін «Бір терезе» форматы жұмыс жасап тұр.  

 

Жаңалықтар
30.08.2025
ҚТЖ мен China COSCO Shipping стратегиялық ынтымақтастықты кеңейтуде
Аймақтар
29.08.2025
Еңбек ұжымының мүддесі бәрінен жоғары
Жолаушылар тасымалы / Инфографика
29.08.2025
Жыл басынан бері ҚТЖ пойыздары 7,8 миллионнан астам жолаушыны тасымалдады
Қауіпсіздік
29.08.2025
Қауіпсіздік ережелерін сақтау қатаң тексерілуде
Әлеумет
29.08.2025
Жеті жүз балаға оқу құралы берілді
Инфрақұрылым
29.08.2025
Ақтөбеде жеті разъездің құрылысы басталды
Аймақтар
29.08.2025
«Қазкөліккәсіп» төрағасы Сыр теміржолшыларын марапаттады
Инфрақұрылым
29.08.2025
Вокзалдар жаңа кейіпке енеді
Аймақтар
29.08.2025
Ақтөбе рельс-арқалық зауыты «Үздік өнеркәсіптік тауар» иегері атанды
Спорт
29.08.2025
Конституцияның 30 жылдығына орай «Қазкөліккәсіп» дартс турнирін ұйымдастырды
Әлеумет
29.08.2025
Жамбыл ЖТ бөлімшесі жаңа оқу жылына 347 балаға қолдау көрсетті
Жаңалықтар / Мұрағат
29.08.2025
Қазақстан теміржолшысы газеті, №70 29 тамыз 2025 жыл
Әлеумет
28.08.2025
Оқушыларға рюкзак тарту етілді
Әлемде
28.08.2025
Ұлыбританияда аккумуляторлы пойыз жаңа рекорд орнатты
Жаңалықтар
28.08.2025
ҚТЖ Сычуань және Чэнду логистикалық компанияларымен келіссөздер өткізді
Әлемде
28.08.2025
Ресейде алғашқы сутекті пойыздың дизайны таныстырылды
Аймақтар
27.08.2025
Жаңа оқу жылы қарсаңында балаларға мектеп құралдары табысталды
Жаңалықтар
27.08.2025
ҚТЖ басшылығы Сычуань провинциясының губернаторымен кездесті
Бейнелер
27.08.2025
Жаңа теміржол Өзбекстанға жүк тасымалын еселемек
Спорт
27.08.2025
Қызылорда теміржолшылары арасында шағын футболдан турнир өтті