Теміржолшылар көктемге дайындалуда
ҚТЖ-да мұз бен тасқын суларды өткізуге жол мен жасанды құрылыстарды ауқымды дайындау басталды, деп хабарлайды Rail-news.kz.
Ол үшін тәулік бойы кезекшілік ететін және пойыздардың қауіпсіз өтуін қамтамасыз ете отырып, жолдың бүлінген учаскелерін барынша қысқа мерзімде қалпына келтіруге дайын болатын 45 шайып кетуге қарсы пойыздар қалыптастырылатын болады.
Пойыздар құрамында-297 вагон, оның ішінде 45-і жабық вагон керек-жарағымен және 252 платформа түрлі материалдарымен: 110 платформа кесек таспен, 43 — рельсті пакеттермен, 99-кондиционды емес темірбетонды шпалдармен.
Жол дистанциясының қызметкерлері 2,7 мың м3 астам кесек тастарын және 7 мың кондиционды емес темірбетон шпалдарын дайындады.
Теміржолшылар наурыз және сәуір айларында Атбасар, Есіл, Арқалық, Ерейментау, Қүмістау, Достық және Защита сияқты жеті жол дистанциясында мұзды ұсақтау бойынша бұрғылау-жару жұмыстарын жүргізуге дайындалуда.
Еліміздің оңтүстік өңірлерінде көпірлерді, су өткізгіш құбырларды, дренаждық құдықтарды тазалау, таулы және су бұру арықтарын, науалар мен кюветтерді қардан, мұздан және қоқыстан аршу жұмыстары басталды.
Тасқын сулардың көтерілу ықтималдығы бар 673 қауіпті учаскелерде кезекшілік ұйымдастырылады.
Аумақтық органдармен бірлесіп теміржол төсемінен жоғары орналасқан 83 су қоймасы мен бөгеттің жай-күйін тексеру жұмыстары ұйымдастырылды.
Су тасқынына дайындық-көктемгі-жазғы кезеңде пойыздар қозғалысы қауіпсіздігін қамтамасыз етудегі маңызды міндеттердің бірі.