Теміржолшылар климаттық өзгерістер жағдайындағы еңбек қауіпсіздігі мәселелерін талқылады
Өскеменде "ҚТЖ-Жүк тасымалы" ЖШС қызметкерлерінің еңбегін қорғау және қауіпсіздігі бойынша республикалық семинар өтті, деп хабарлайды Rail-news.kz.
Биылғы семинардың басты тақырыбы климаттың өзгеруінің еңбек қауіпсіздігі мен гигиенасына әсері болды.
ҚТЖ барлық филиалдары мен бөлімшелерінде мемлекеттік еңбек инспекциясы өкілдерінің, кәсіподақтар мен жұмыс берушілердің қатысуымен тақырыптық семинарлар мен дөңгелек үстелдер өтті. Жұмыс орнында қауіпсіздікті қамтамасыз ету, алдын алу шараларын күшейту және еңбекті қорғау мәдениетін дамыту мәселелері талқыланды.
Дәстүр бойынша іс-шаралар аясында конкурстар өткізіліп, қызметкерлердің хабардарлығын арттыруға бағытталған ақпараттық плакаттар мен басқа да көрнекі үгіт құралдары дайындалды.
Локомотив деполарында қызметкерлердің психологиялық әл-ауқатын сақтауға бағытталған психологтармен және стрессті басқару мамандарымен консультациялар ұйымдастырылған.
Компанияның басты мақсаты - нөлдік жарақат алу жағдайларына қол жеткізу. Бұл мақсатқа жетудің негізгі жолы - тиімді алдын алу және еңбекті қорғау талаптарын қатаң сақтау. Әр қызметкерден қауіпсіздік ережелерін қатаң сақтау және кез-келген бұзушылықтарға төзбеушілік қажет етіледі.
Компанияда "Қауіпсіздіктің мінез-құлық диалогтары", "Қауіпті тоқтатыңыз!" және "Салдары жоқ оқиғалар" бағдарламаларын жүзеге асыру жалғасуда. Нөлдік жарақат саясаты аясында әрбір қызметкерге өмірге немесе денсаулыққа қауіп төндіретін болса, жұмыстан бас тарту құқығы беріледі.