ҚТЖ жол жөндеу техникасын жаңартуда
«ҚТЖ» ҰК» АҚ - «Магистральдық желі дирекциясының» жол машиналары паркі жаңа шебен тазартқыш машинамен толықты, деп хабарлайды Rail-news.kz.
Бұл жоғары өнімді техника теміржол жолының балласт қабатын механикаландырылған тәсілмен тазартуға арналған. Машина балласт негізін ойып, таза шебен төсеп, ластанған материалдарды арнайы жылжымалы құрамға шығарып тастай отырып, кешенді тазарту жұмыстарын қамтамасыз етеді.
Шебен тазартқыш машина – жоғары технологиялы кешен. Ол түйіндер мен агрегаттарды диагностикалау жүйелерімен, бейнебақылаумен, жұмыс органдарын басқару, сондай-ақ науалар мен көтеріп-түзету құрылғысын қашықтан басқару мүмкіндіктерімен жабдықталған. Машина екі секциядан тұрады.
Жаңа машинаның көмегімен Қарағанды өңірінде жол жөндеу жұмыстары жүргізіліп жатыр.
Мамандардың айтуынша, машинаның бір секциясы сағатына 1000 метрге дейін жолды тазарта алады. Жұмыс жылдамдығы – сағатына 750 метрге дейін, бұл баламаларымен салыстырғанда 2 есе жоғары.
Бұл техниканы қолдану жөндеу мерзімін едәуір қысқартып, жұмыс жүргізудің жалпы шығындарын айтарлықтай азайтады.