Иран, Түркия және Ауғанстан теміржол тасымалы бойынша ынтымақтастықты арттыруда
Иран, Түркия және Ауғанстан халықаралық теміржол тасымалы саласында ынтымақтастықты нығайту және дамыту мақсатында өзара түсіністік туралы меморандумға қол қойды, деп хабарлайды Rail-news.kz.
Бұл меморандумға Иран теміржолдарының (RAI) бас директоры, Түркия мемлекеттік теміржолдарының басшысы және Ауғанстан теміржол басқармасының басшысы қол қойды.
Меморандумның негізгі мақсаты – екіжақты және үшжақты ынтымақтастықты нығайту мен дамыту, бар теміржол инфрақұрылымын тиімді пайдалану, шекарада техникалық және эксплуатациялық рәсімдерді жеңілдету, тасымал көлемін арттыру, өңірлік интеграцияны қолдау және үш ел арасында тұрақты теміржол дәлізін құру.
Сонымен қатар, құжатта кадрларды дамыту, теміржолдарды жөндеу және қызмет көрсету, инфрақұрылымды жаңғырту және пайдалану, теміржол көлігін цифрландыру, өткізу қабілетін бөлу және пойыз қозғалысын басқару салаларында тәжірибе алмасу, сондай-ақ жетекшілер мен қызметкерлердің техникалық өзара сапарларын ұйымдастыру қарастырылған.
Тараптар теміржолдарды жөндеу және қызмет көрсету, инфрақұрылымды дамыту, өткізу қабілетін бөлу, пойыз қозғалысын басқару және кадр даярлау мәселелерінде ынтымақтастықты әрі қарай дамыту және тәжірибе алмасу niетінде екендерін растады.