Темір жолдарда 65 мың текше метрден астам қар жиналды
Пойыздардың үздіксіз және қауіпсіз қозғалысын қамтамасыз ету мақсатында «ҚТЖ» ҰК» АҚ желісінде жоспарлы қар тазалау жұмыстары жалғасуда, деп хабарлайды Rail-news.kz.
Желтоқсанның 21 күнінде СДПМ үлгісіндегі қар тазалайтын машиналармен 96 шығу орындалып, 4 618,2 км темір жолы тазартылды. СМ-2 типті қар тазалау техникасы 447 рейсті жүзеге асырды, бұл ретте 65 545 текше метр қар жиналды.
Техниканы қолдану мүмкін емес жерлерде станциялық жолдар мен бағыттамалық бұрмаларды тазалауға жол монтерлері тартылды. Күндізгі уақытта күн сайын 12 мыңнан астам қызметкер, түнгі уақытта 13,6 мыңнан астам адам жұмылдырылды.
Қар тазалау іс-шаралары тәулік бойы жүргізіледі және инфрақұрылымның нормативтік жай-күйін қолдауға және пойыздар қозғалысының қауіпсіздігін қамтамасыз етуге бағытталған.