Дарбаза – Мақтаарал желісінде инфрақұрылымды дамыту талқылады

«Қазақстан темір жолы» ҰК» АҚ Басқарма Төрағасы Талғат Алдыбергеновтың салынып жатқан Дарбаза – Мақтаарал желісіне жұмыс сапары аясында «Узбекистон темир йуллари» АҚ Басқарма Төрағасы Зуфар Нарзуллаевпен кездесу өтті, деп хабарлайды Rail-news.kz. 

Мақтаарал станциясында өткен кездесу жүк тасымалдау қорытындылары мен шекара маңындағы теміржол инфрақұрылымын дамыту перспективаларына арналды.

Тараптар ынтымақтастықтың рекордтық көрсеткіштерін атап өтті: 2025 жыл соңғы 10 жылда жақсы нәтиже көрсетті, елдер арасындағы тасымалдау көлемі 32,3 млн тоннаға жетсе, бұл 2024 жылғы көрсеткіштен 16% артық. 13 млн тоннаны (+8,5%) құраған қазақстандық экспорт жоғары серпінді көрсетті, бұл ретте Өзбекстанға астық тасымалы 32% өсіп, 4,5 млн тоннадан асты. Оң үрдіс 2026 жылы да сақталып отыр: алғашқы екі айда тасымалдау көлемі 6,6 млн тоннаны құрап, өткен жылдың сәйкес кезеңімен салыстырғанда 37,5% өсіп отыр. 2026 жылдың қорытындысы бойынша тараптар жүк ағынының одан әрі ұлғаюын болжайды.

Келіссөздер барысында Мақтаарал – Сырдария мемлекетаралық түйіспе пунктіне (МАТП) шығатын Дарбаза – Мақтаарал жаңа желісінің қарқынды құрылысына ерекше назар аударылды. Теміржол әкімшіліктерінің басшылары түйіспелерді дамыту және инфрақұрылымды жаңғырту, соның ішінде заманауи автоблоктау және байланысты орталықтандыру жүйелерін енгізу туралы ақпаратпен алмасты. Екіжақты қатынастардың жай-күйіне жоғары баға бере отырып, тараптар өңірдің транзиттік әлеуетін нығайту үшін тығыз диалогты жалғастыру ниетін растады.