Маңғыстау вокзалы заман талабына сай жаңартылады
Қазақстан Республикасы Көлік министрлігі Теміржол және су көлігі комитетінің төрағасы Нұржан Келбұғанов Маңғыстау станциясының жаңа теміржол вокзалының құрылысымен танысты, деп хабарлайды Rail-news.kz.
Жұмыс сапары аясында құрылыс алаңына инспекция жүргізілді, мердігерлік ұйым мен жауапты қызметтер өкілдерінің жобаны іске асырудың ағымдағы мәртебесі туралы баяндамалары тыңдалды.
Жоба аясында вокзал ғимаратын 764 шаршы метрден 8899 шаршы метрге дейін кеңейту көзделген. Өткізу қабілеті тәулігіне 2 800 жолаушыға дейін артады. Жаңа нысан заманауи инженерлік жүйелермен, күту аймақтарымен, сервистік инфрақұрылыммен жарақтандырылады, сондай-ақ халықтың мобильділігі төмен топтары үшін ыңғайлы жағдайлар жасалады.
Тексеру қорытындысы бойынша Нұржан Келбұғанов вокзал құрылысын сапалы әрі уақытылы аяқтауды тапсырды.
Жобаны іске асыру жолаушыларға қызмет көрсету сапасын арттыруға, оларға қолайлы жағдай жасауға және өңірдің көлік-логистикалық әлеуетін нығайтуға мүмкіндік береді.