Минскіде Қазақстан мен Беларусь темір жолдары басшыларының екіжақты кездесуі өтті

«Қазақстан темір жолы» ҰК» АҚ Басқарма төрағасы Талғат Алдыбергенов пен «Беларусь темір жолы» МБ бастығы Валерий Веренич екіжақты кездесу өткізіп, оның барысында көліктік-логистикалық ынтымақтастықты нығайтудың негізгі мәселелерін талқылады, деп хабарлайды Rail-news.kz.

Қазақстан мен Беларусь арасындағы 2025 жылғы және ағымдағы жылдың төрт айындағы жүк тасымалының қорытындылары, сондай-ақ Қазақстан арқылы және кері қарай Қытай бағытында жүк тасымалын ұлғайту перспективалары талқылаудың басты тақырыптары болды.

Қазіргі уақытта елдер арасындағы тасымалдау көлемі тұрақты оң серпінді сақтап отыр. Жыл басынан бері 2,3 млн тоннаға жуық жүк тасымалданды, бұл 2025 жылдың ұқсас кезеңіндегі көрсеткіштен  (1,9 млн тонна) 19,6% - ға жоғары. Оның ішінде Қазақстаннан экспорт өткен жылдың 4 айымен салыстырғанда 0,5 млн тоннаға дейін 2 есе өсті, Қазақстанға импорт 12,7% өсіммен 0,2 млн тоннаны құрады. 5,1% - ға өсіммен 1,6 млн тонна көрсеткішіне жеткен транзиттік тасымалдар жеке атап өтілді, оның ішінде Қазақстан арқылы транзитпен Беларусьтен экспорт 2025 жылғы 4 айда 2% - ға өсумен 0,75 млн тоннаны құрады.

Бұл көрсеткіштер жүк жөнелтушілердің қолданыстағы бағыттарға деген жоғары қызығушылығын және теміржол әкімшіліктерінің өзара іс-қимылының тиімділігін растайды.  

Сапар аясында Беларусь Республикасының жүк жөнелтушілері мен экспорттаушыларымен Дөңгелек үстел өтті, олар Қытай мен Орталық Азия елдері бағытындағы тасымалдарды ұлғайтуға қызығушылық білдірді.  

 Бұл осындай осымен үшінші іс-шара. Бұған дейін осындай Дөңгелек үстелдер Ресей мен Өзбекстанның жүк жөнелтушілерімен өткізіліп, өз тиімділігін дәлелдеді. Кездесулердің бетпе-бет форматтары туындаған мәселелерді жедел шешуге мүмкіндік береді, бұл тасымалдау көлемінің өсуін тікелей ынталандыра түседі. Жүк жөнелтушілермен кездесулер өткен жылғы деңгейге қарағанда транзитті 1,5 млн тоннаға (+13,5%) ұлғайтуға мүмкіндік берді.