ҚТЖ мен ТЖД теміржолдағы төтенше жағдайларды жою кезінде өзара іс-қимылды пысықтады
Алматыда «Қазақстан темір жолы» ҰК» АҚ бөлімшелері мен теміржол көлігі объектілеріндегі төтенше жағдайлардың алдын алу және жою кезінде мемлекеттік қызметтердің өзара іс-қимылын жетілдіру бойынша екі күндік семинар өтті, деп хабарлайды Rail-news.kz.
Іс-шараны ҚТЖ мен Алматы облысы ТЖД бірлесіп ұйымдастырды. Оған ҚТЖ мемлекеттік емес өртке қарсы қызметінің қызметкерлері, азаматтық қорғау жөніндегі мамандар, мемлекеттік органдардың өкілдері және өрт қауіпсіздігі саласындағы сарапшылар қатысты.
Қатысушылар өрт қауіпсіздігін қамтамасыз ету, нормативтік базаны жетілдіру, кадрлар даярлау және жасанды интеллектті қоса алғанда, заманауи технологияларды қолдану мәселелерін талқылады.
Қазақстан өрт сөндіру бөлімінің ардагері, техника ғылымдарының кандидаты, профессор Руслан Жұмағалиевтің айтуынша, қызметкерлерді даярлау деңгейін арттыру және қауіпсіздік мәдениетін дамыту өрттердің алдын алудың және төтенше жағдайларға тиімді ден қоюдың маңызды шарттары болып қала береді.
В учениях участвовали подразделения ДЧС, пожарный поезд станции Алматы-1, сотрудники военизированной железнодорожной охраны, линейной полиции, медицинских служб и работники железной дороги.
Персоналды жүйелі даярлау ҚТЖ басымдықтарының бірі болып табылады. 2026 жылдың бірінші жартыжылдығында компанияда және еншілес ұйымдарда 21 мыңнан астам қызметкерді қамти отырып, 9 мыңнан астам өртке қарсы нұсқаулық өткізілді. Өрт-техникалық минимум бағдарламасы бойынша 473 оқыту ұйымдастырылып, 4,9 мыңнан астам адам оқудан өтті. ТЖД бөлімшелерімен бірлесіп 131 оқу-жаттығу өткізілді.
Семинардың тәжірибелік бөлігі «Жолаушылар тасымалы» АҚ – «Южный» филиалының техникалық паркі аумағында өтті. Оқу-жаттығуға ТЖД бөлімшелері, Алматы-1 станциясының өрт сөндіру пойызы, Әскерилендірілген теміржол күзетінің, желілік полицияның, медициналық қызметтердің қызметкерлері және теміржол қызметкерлері қатысты.
Сценарий бойынша жолаушылар вагонында өрт шықты. Қатысушылар өртті анықтауды, шұғыл қызметтерге хабарлауды, жолаушыларды эвакуациялауды, алғашқы көмек көрсетуді және барлық қызметтердің өзара іс-қимылын пысықтады. Оқу-жаттығу қорытындысы бойынша шартты өрт сәтті жойылды, ал бөлімшелердің бірлескен іс-қимылдарға дайындығы оң бағаға ие болды.