ҚТЖ темір жол инфрақұрылымын қысқы жағдайдағы жұмысқа дайындауда
Төмен температураның, қалың қардың және басқа да табиғи факторлар ерекшеліктерін ескере отырып, ҚТЖ желісінде теміржол инфрақұрылымын қысқы жағдайда пайдалануға ауқымды және кешенді дайындау жүргізілуде, деп хабарлайды Rail-news.kz.
Қысқа дайындық шеңберінде 1 663 ғимарат пен құрылысты, 14,5 км жылу трассасын, сондай-ақ 279 бірлік қар тазалау және қардан аршу техникасын дайындыққа келтіру жөніндегі іс-шаралар көзделген.
Қажетті отын қоры қалыптастырылуда. Өндірістік қажеттіліктер үшін 27 мың тоннадан астам техникалық көмір қарастырылған, тағы 9 мың тоннадан астам тұрмыстық көмір жұмысшылар мен зейнеткерлерге арналған.
Қызметкерлерді жеке қорғаныс құралдарымен қамтамасыз етуге ерекше назар аударылады. Қысқы кезеңге дайындық шеңберінде қысқы арнайы киім мен аяқ киімнің 128 мыңнан астам жиынтығын беру көзделген.
Сонымен қатар, қызметкерлерді қысқы жағдайларда жұмысқа дайындау жүргізіледі. Қызметкерлер объектілер мен техниканы қауіпсіз пайдалану мәселелері, сондай-ақ қолайсыз ауа райы жағдайларындағы іс-қимылдар бойынша қажетті нұсқамалар мен оқытудан өтеді.