Таразда болашақ теміржолшылар жаңа стеллаға экскурсия жасады
№13 Тараз теміржол колледжінің студенттері аймақтың тарихын ұлықтау мақсатында вокзал алаңындағы жаңадан ашылған стеллаға арнайы экскурсия ұйымдастырды. Шәкірттерін бастап келген ұстаздары оларға стелладағы белгілер мен жазулар сырын түсіндіріп, кезінде Талас, Әулиеата, Жамбыл, Тараз деген атаулар алған қаланың шежірелі тарихынан мағлұмат берді.
– Мен туған қаламды жақсы көремін, Жамбыл теміржолының бай тарихын да мақтаныш етемін. Біз аймақ теміржолында қолтаңбасы қалған аға буын теміржолшылардың ізбасары екенімізді де мақтан тұтамыз. Ал мына стелла сол жамбыл теміржолының тарихынан сыр шерткендей. Бұл шараның барлығы Елбасы Нұрсұлтан Назарбаевтың «Болашаққа бағдар: рухани жаңғыру» бағдарламалық мақаласының «Туған жер» бағдары арқылы жүзеге асып отыр. Сондықтан біздер келешекте болат жолда қызмет ете жүріп, өз туған жерімізді түлетуге атсалысатын боламыз. Оған уәде беремін, - дейді №13 Тараз темір жол колледжі «Теміржол станция кезекшісі» мамандығының 2 курс студенті, Теміржолшылар әулетінің өкілі Иса Байзақов.
Арсен Байзақ, Тараз