Алғашқы тоқсанның есебі тындалды
Украина астанасы Киевте 17 сәуір күні «Транскаспийлік халықаралық көлік бағдары» ХҚ» заңды тұлғалар бірлестігінің Жалпы жиналысы бойынша кезекті отырысы өтті.
Отырыс барысында Транскаспийлік халықаралық көлік бағдары (ТХКБ) бойынша ағымдағы жылдың алғашқы тоқсанында тасымал жоспарының орындалуы туралы есеп тыңдалды. Сонымен қатар бірлестік жиынының күн тәртібінде Қауымдастыққа Қазақстаннан (Атырау өңіріндегі көлік тасымалымен айналысатын ірі жекеменшік компания) «Қаскор-Транссервис» АҚның қауымдастыққа мүше ретінде қабылдануы, ТХКБ бағдары бойынша контейнерлік пойыздар құрамында жүк тасымалын ұйымдастыру барысында жеткізу мерзімін сақтамауға жауапкершілік шаралары мен өзара іс-қимыл туралы Келісімді қолдау және бекіту, Каспий теңізіндегі порттар арасындағы, атап айтқанда Ақтау, Баку (Алят) бойынша фидерлік кемелердің қатысуымен тікелей теміржол және су көлік қатынасы арқылы контейнерлік тасымалды ұйымдастыру туралы Келісімді қолдау және бекіту сөз болды.