Вокзалдарда хабар таратты
Еуропалық иммундау апталығы аясында «Нұрлы жол» және «НұрСұлтан» темір жол вокзалдарында иммундау мәселелері бойынша бейнебаяндар көрсетілді.
Мұндағы мақсат – халыққа біздің өміріміздегі әл-ауқатымыздың жайы туралы хабардар болуын арттыру болып табылады. Ауыр инфекциялар қаупінің болмауына профилактикалық егулерді кеңінен жүргізудің нәтижесінде ғана қол жеткізіледі. Халыққа осыны ұғындыруды көздейді. Осы мақсатта вокзалдағы жолаушылар арасында «Иммундау» тақырыбына брошюралар, жадынамалар мен буклеттер таратылып, ақпараттық-түсіндіру жұмыстары жүргізілді.
Көліктегі қоғамдық денсаулық сақтау департаментінің мамандары ұйымдастырған бұл шара әрі қарай М.Тынышпаев атындағы Ақмола көлік және коммуникация академиясы колледжінің студенттері арасында жалғасын тауып, бейнеролик көрсету арқылы «Иммундау» тақырыбында ақпараттық-түсіндіру жұмыстары жүргізілді. Студенттер арасында «Профилактикалық егулерге сенің көзқарасың» тақырыбында сауалнама жүргізіліп, оған қатысушылар вакцинацияға оң қарайтынын және олар дер кезінде профилактикалық егулер жасататынын білдірген.