Перрон толық жаңартылды
Жолаушылардың емін-еркін жүріп-тұруына қолайлылық жасау үшін қолға алынған аймақтағы теміржол вокзалдарын жаңартып-жаңғырту жұмыстары жалғасуда.
Ағымдық жөндеп-жаңарту жұмыстары басталған Қызылорда вокзалы ғимараты мен перроның 1457 шаршы метр аумағына төсеметас төсеу жұмыстары толық аяқталды, жөндеу жұмыстары бөлімшенің құрылыс-жөндеу бригадасының күшімен жүргізілуде. Алдағы уақытта бөлімшенің өзге бекеттеріндегі бірқатар вокзалдар мен перрондар ағымдық жөндеу жұмыстарынан өткізілмек. Аймақтағы вокзалдарды жөндеу жұмыстары жайлы Қызылорда магистральдық желі бөлімшесі басшысының вокзал шаруашылығы жөніндегі орынбасары Жандарбек Өтегенов баяндады.
– Қазіргі таңда Қызылорда станциясындағы вокзал ғимараты мен перронын жөндеу жұмысы толық аяқталды. Ендігі кезекте Сексеуіл, Арал, Төретам және Қазалы вокзалдарының ғимараттарын, пандустарын жаңартып-жөндеу жұмысы бар, ал қыркүйек айында Талап, Аққұм және Бесарық станцияларындағы вокзал ғимараттары да ағымдық жөндеуден өткізіледі деп жоспарлануда. Жөндеу жұмыстарына қажетті құрылыс заттары жеткізіліп беріліп, өз бригадамыздың күшімен атқарудамыз, – деді Жандарбек Өтегенов.
Вокзал перронын жөндеу кезінде жолаушылардың еркін жүріп-тұруына кедергі келтірмеу жолдары қарастырылып, қауіпсіздік талаптары толық сақталған.