«Ashyq» жобасы вокзалдарда енгізіледі
«Қазақстан теміржолшысы» газетінің тілшісі
2021 жылдың 17 маусымынан бастап Нұрлы жол вокзал кешенінде «Ashyq» жобасы енгізіледі. Аталған жоба кеше елордадағы Нұр-Сұлтан теміржол вокзалына іске қосылды. ҚР Бас санитарлық дәрігерінің 2021 жылғы 03 маусымдағы №26 қаулысының талаптарына сәйкес «Ashyq» жобасы алдағы шілде айының 1-не дейін, яғни 2021 жылдың 21 маусымында Алматы-1, 2, сондай-ақ, Қарағанды және Өскемен вокзалдарына енгізілетін болады. Ал 1 шілдеден бастап Көкшетау, Ақтөбе, Орал, Атырау, Семей, Қызылорда, Шу, Бейнеу вокзалдарында да аталған жоба күшіне енбек. Қазіргі сәтте әкімшілік құзырындағы Шымкент, Павлодар және Түркістан вокзалдарында «Ashyq» жобасының енгізілуіне осы облыстардың әкімшілігі жауапты. Бұл шара коронавирустық инфекцияның таралу қаупін азайту және оны жұқтыруға әкелетін байланыстар санын қысқарту мақсатында жүргізіліп жатыр. QR-кодты сканерлейтін «Ashyq» кіру жүйесі Нұрлы жол вокзал кешенінің барлық кіреберістерінде жұмыс істейтін болады. Жолаушылар арасындағы қашықтықты сақтау үшін вокзал кешенінің қызметкерлері жолаушылар ағынын кіреберістерге бөледі. Жолаушы кірген кезде QR-кодты Ashyq мобильді қосымшасы арқылы немесе Kaspi.kz, Homebank, Aity қосымшалар арқылы сканерлеу қажет. Жолаушыда қосымша немесе смартфон болмаған жағдайда кіреберісте вокзал кешені қызметкеріне ЖСН көрсету қажет. Шетелдіктердің статусы паспорттың нөмірі бойынша сол жерде тексеріледі. 18 жасқа дейінгі балалар тексеруден өтпейді. Сондай-ақ, вокзал кешеніне «қызыл» және «сары» статусы бар адамдар кіргізілмейді. Өз статусын жолаушы www.ashyq.kz cайтындағы бейтарап QR-код арқылы алдын ала тексере алады.