Павлодарда жылжымалы вакцинация станциясы жұмысын бастады
«Қазақстан теміржолшысы» газетінің тілшісі
Павлодарда теміржол бөлімшесінде жылжымалы вакцинация станциясы жұмысын бастады. Арнайы вагон шағын және алыс станцияларда жұмыс істейтін теміржолшылар үшін іске қосылып отыр. – Жылжымалы пункт COVID-19-ға қарсы вакцина алғысы келетін, бірақ жергілікті жерде медициналық орталықтардың болмауына байланысты вакцина ала алмай отырған біздің жұмысшылар мен олардың отбасылары үшін құрылды, – дейді медицина қызметкерлерімен бірге жылжымалы вакцинация стан- циясының құрамында жүрген Павлодар жүк тасымалы бөлімшесінің директоры Мұхтар Жамбылов. Вагонда вакцинация үшін барлық қажетті жағдайлар жасалған. Вакцинация алғысы келетіндердің барлығын алдын ала медициналық тексеруден өткізу міндетті болып табылады. Жылжымалы «вакцинация бөлмесі» алдын ала белгіленген маршрут бойынша 5 күн жұмыс істейді. Ол Павлодар облысының Айсары, Еңбекшілдер, Алтынтау және тағы басқа 42 станциясын қамтитын болады.