Соңғы 6 айда шойын жол ережесін сақтамаған 14 адамның ажалы пойыздан болды
«Қазақстан теміржолшысы» газетінің тілшісі
«Қазақстан темір жолы» ҰК»АҚ Басқарма төрағасының бірінші орынбасары Қанат Әлмағамбетовтың төрағалығымен «Кірме жолдарда жолдан шығу, ұрлық- қарлық, жол-көлік оқиғасы, мал-жанның басылуын азайту бойынша шаралар» тақырыбында дөңгелек үстел өтті, деп хабарлайды Rail-news.kz. Онлайн-режимде өткен маңызды жиынға Ұлттық компанияның жауапты тұлғаларынан бөлек ҚР ИИДМ, Бас көлік прокуратурасы, Көліктегі полиция департаменті, Әкімшілік полиция комитетінің жол қауіпсіздігі басқармасы, Қазақстандық вагон/контейнерлер операторы мен тасымалдаушылар ассоциациясының, «Атамекен» ҰКП өкілдері қатысты. «ҚТЖ» ҰК» АҚ Қозғалыс қауіпсіздігі департаментінің бас менеджері Константин Колесниковтің баяндауынша, үстіміздегі жылдың 6 айында 34 адамды пойыз қағып кеткен, ал өткен жылы бұл көрсеткіш 37-ні құраған. Биыл болған 20 оқиғаның соңы адамдардың жарақаттануы мен мүгедек болып қалуына, ал 14 оқиға адам өліміне әкелген. Маманның айтуынша, биылғы бірінші жартыжылдақта орын алған оқиғалардың 88% адамдардың темір жолда қауіпсіздік ережелерін бұзуы салдарынан болған, ал 6% жастардың құлаққап киіп алып, қырағылықты жоғалтуынан болса, 6% адамдардың өзін-өзі тастауы екен.