Нұрлан Сауранбаев теміржолшыларды кәсібі мерекесімен құттықтады

Құрметті теміржолшылар! Сіздерді көлік қызметкерлері күнімен құттықтап, мерекелік көңіл-күй үстінде ақ тілегімді жолдаймын! Қара жолды сара жолға жалғастырып, даланы қаламен байланыстырудағы игі істеріңізге сәттілік тілеймін! Сан салалы біздің тіршілікте түрлі кәсіптің жауапкершілігін арқалап, жол үстінде жүрген әр маманның орны бөлек. Өйткені Ұлттық компанияның бүгінгі өркен жаюы – шеберлер еңбегінің нәтижесі. Сіздер мен біздер көсегесін көгертпекке бекінген темір жол саласы қай заманда да ерекше маңызға ие. Бір ғасырдан астам уақыт бұрын қырдағы ел мен ойдағы елді «алақайлатып» қазақ даласына келген «отарба» қазіргі уақытта ел экономикасын алға сүйреп келеді. Аймақтардың көркеюі, қалалардың гүлденуі, өнеркәсіп өрісінің кеңеюі – бұның бәрінде темір жолдың үлесі зор. Осындай жауапкершілік жүгін жете сезінген біздің жұмыскерлер тарих таразысына сай алдыңғы буын өкілдерінің даңғыл жолын лайықты жалғастырып келеді. Мыңдаған теміржолшылардың арқасында тәуелсіздік жылдары елімізде 2,5 мың шақырымдай жол салынды, көлік дәліздері даму үстінде. Бұл 30 жылда іске асырған шаруалардың бір парасы ғана. Жеткен жетістік аз емес, келешекте алар асу одан да көп боларына сенім мол. Сондықтан, қадірлі әріптестер, қажырлы еңбектеріңіз бен кәсібіне жан-тәнімен берілген адалдықтарыңыз үшін сіздерге ризашылығымды білдіргім келеді. Биыл темір жол саласын дамытуға қосқан үлесі үшін ҚТЖ компаниялар тобы- ның 944 қызметкері түрлі наградаларға ұсынылды. 55 әріптесіміз «Құрметті теміржолшы», 131 қызметкер «Адал еңбегі үшін» белгісімен марапатталды. 80-нен астам теміржолшыға «Кәсібі бой- ынша үздік» және «Үздік маман» салалық атақтары берілді. Мереке күні ардагерлерімізге де ыстық ықылас білдіреміз. Әрдайым болар істің басы-қасында жүріп, темір жол шежіресін жазған еңбек майталмандары қашанда сый-құрметке лайық. Қадірменді арда- герлер! Қазақ шойын жолының дамуына сіңірген еңбектеріңіз үшін сіздерге алғыс айтамыз. Құрметті теміржолшылар! Кәсіби мерекемен құттықтай отырып, сіздерге зор денсаулық, таудай талап, қажымас қайрат тілеймін. Көздеген мақсат-мұраттарыңызға жетіп, шаңырақтарыңыздан бақ-береке кетпесін! Нұрлан САУРАНБАЕВ, «Қазақстан темір жолы» ҰК» АҚ Басқарма төрағасы