ҚТЖ ұжымының 70% астамы Covid-19 қарсы екпе алды

"ҚТЖ" ҰК" АҚ-да 78 мыңнан астам қызметкер Covid-19-ға қарсы вакцинацияланды, бұл барлық ұжымның 70,6% құрайды. Оның ішінде қызметкерлердің 48,7% вакцинаның екі компонентін алып, егу курсын толық аяқтады, деп хабарлайды Rail-news.kz "ҚТЖ" ҰК"АҚ баспасөз қызметіне сілтеме жасап. Теміржолшылар егуді тікелей жұмыс орындарында алады, ол үшін медицина қызметкерлері шақыртылады. Егу пункттері депода және қызметкерлер күн сайын ауысым алдындағы тексеруден өтетін станцияларда жұмыс істейтін медициналық кабинеттер базасында орналастырылады. Екпе алу процедурасының емханалардағыдан еш айырмашылығы жоқ. Вакцинация алдында міндетті тексеру, артериялық қысымды өлшеу, қызметкердің денсаулық жағдайын бағалау. Вакцинация күніне дейін дәрігерлер қызметкерлермен алдын ала онлайн-жүздесулер өткізіп, онда екпе егудің пайдасы туралы айтылады.